Barnekoordinator

 

 

Suldal kommune søkjer engasjert og fagleg dyktig tilsett som barnekoordinator i totalt 80 % fast stilling. Denne vert organisert under Koordinerande eining.  

Stillinga vert føretrekt nytta udelt, men kan, basert  på søkarmasse og arbeidsgivars behov,  bli aktuell å fordele på to tilsette. Stillinga er ein viktig del av arbeidet med å sikre eit heilskapleg og koordinert tenestetilbod til familiar med born/ unge som har alvorleg sjukdom, skade eller nedsett funksjonsevne. 

Om stillinga: 

Barnekoordinator har ansvar for å koordinere det samla tenestetilbodet til barnet/ungdommen og familien, i tråd med helse- og omsorgstenestelova § 7-2 a. Stillinga inneber tett samarbeid på tvers av fagområde, nivå og sektorar, og skal sikre at familien får eit tilpassa og samordna tenestetilbod. Koordinerande eining har overordna ansvar for oppnemning, opplæring og rettleiing av barnekoordinatorar i kommunen. 

 

Arbeidsoppgåver: 

• Koordinere langvarige og samansette helse- og omsorgstenester og andre velferdstenester til barn og familiar 
• Som barnekoordinator vil du bli del av eit fagnettverk på Haugalandet 
• Barnekoordinator vil samarbeide med andre tilsette i kommunen som koordinerer tenester for barn, unge og deira familiar.  
• Kartleggje og vurdere hjelpebehov i samarbeid med familien og relevante faginstansar 
• Sikre framdrift i arbeidet med bruk av individuell plan
• Legge til rette for brukarmedverknad og tverrfagleg samarbeid 
• Arbeide for eit trygt og godt tilbod for barn og unge og deira familiar med behov for koordinerte tenester 

 

Kvalifikasjonar: 

• Relevant høgare utdanning innan helse-, sosial- eller pedagogisk fagfelt 
• Erfaring med koordinering og tverrfagleg samarbeid
• Gode kommunikasjons- og samarbeidsevner
• Relasjonskompetanse og kunne skape tryggleik og vise empati
• Kunne arbeide sjølvstendig og i team, samt jobbe strukturert
• Personlege eigenskapar vil bli vektlagt

 

Me tilbyr: 

• Ein viktig og meiningsfull rolle i eit tverrfagleg og støttande arbeidsmiljø 
• Samlokalisert med Barne- og familieteamet og Psykisk helse på Bjødnateigen 
• Gode moglegheiter for fagleg utvikling og rettleiing 
• Konkurransedyktige vilkår og fleksibel arbeidstid 

 

Om Koordinerande eining i Suldal kommune:

Koordinerande eining (KE) har ansvar for å sikre eit heilskapleg tilbod til pasientar og brukarar med behov for langvarige og koordinerte tenester. KE er tverrfagleg samansett og arbeider på tvers av fagområde, nivå og sektorar, og legg til rette for brukarmedverknad.  KE skal sikra oppfølging av  retten til koordinator og individuell plan

 

Andre opplysningar 

• Aktuelle søkjarar vert kalla inn til intervju
• Det er krav om godkjend politiattest etter gjeldande lovverk ved tiltreding. Attesten kan ikkje vere eldre enn tre månadar
• Kommunen følgjer offentlighetslova § 25 ved eventuell offentlieggjering av søkjarliste

 

Slik søkjer du: 

• Me ber om at du søkjer elektronisk innan 29.06.25. Klikk på «send søknad» og følg vidare instruksjonar.
• Du kan logge inn via ID-porten, med brukarnamn og passord, via Facebook-profil eller søkje utan å logge inn. Dess meir du fyller ut, dess betre vert du sjåande ut på søkjarlista.
• Treng du hjelp, kan du kontakte kommunen på tlf 52 79 22 00

Oppstart frå 25.aug  (Intervju vert forsøkt tatt i løpet av veke 27, ev også veke 33)

For spørsmål om stillinga  kontakt:
Leiar ved Koordinerande eining: Anne Marie Torsteinbø, 
tlf. 91539924 / e-post : [email protected] 

eller

Einingsleiar Heimetenestene: Svanhild Løge Skålheim,
tlf 99362523 / e-post: [email protected]  

Me ser fram til å høyre frå deg! 

 

 

Søk her

 

 

Referansenummer: 25/822
Fylke: Rogaland
Jobbtype: Fast
Søknadsfrist: 29.06.2025
Tiltreding: 25.08.2025
Arbeidsstad: Sand

 

Kontaktpersonar:

 

Heimeside:

/www.suldal.kommune.no/

 

Adresse:

Bjødnateigvegen 21 4230 SAND

 

 

Suldal kommune Suldal heimeteneste

Psykisk helse:

Psykisk helse er organisert under Suldal Heimetenester i lag med heimesjukepleie og tildelingskontoret. Psykisk helseteneste gir tilbod til barn, unge og vaksne med psykiske vanskar og livskriser, og til deira pårørande. Tilbodet blir gitt som heimebesøk eller i lokala våre på Bjødnateigen. I psykisk helse jobbar me individuelt, i nettverk og i ulike aktivitetstilbod. Barne- og familieteamet gir tilbod til barn, unge og familiar. Brukarstemma er viktig for oss, og skal stå sentralt i utforminga av tilbodet me gir.

 

Tildelingskontoret:

Tildelingskontoret for tildeling av helse og omsorgstenester i Suldal kommune ligg organisert under Suldal Heimetenester. Tildelingskontoret fungerer som ei «dør inn» til helse- og omsorgstenesta, med mål om å gi god handsaming og kvalitet til alle som tek kontakt med kommunen for å søkje om helsetenester. Tilsette på tildelingskontorett har god kjennskap til tenestene kommunen tilbyr og er serviceinnstilt. Tenestene blir tildelt etter ei individuell vurdering med fokus på brukarmedverknad, dialog og samhandling.

 

Suldal Heimetenester:

Heimesjukepleien tilbyr heimebaserte tenester i alle grendene i Suldal kommune, og er organisert i lag med psykisk helse og tildelingskontoret. Me tilbyr helsehjelp i heimen, praktisk bistand, middagsombringing og ulike dagaktivitetstilbod. Suldal Heimetenester tilbyr og kvardagsrehabilitering, førebyggjande heimebesøk og velferdsteknologiske løysingar. Dei tilsette i heimesjukepleien arbeidar sjølvstendig, er fleksible og løysingsorienterte. Me har fokus på å yte tenester av god fagleg kvalitet, der spørsmålet «kva er viktig for deg?» står sentralt i møte med brukarane våre.