Miljøfagarbeidar (vikariat)

Slåtthaug videregående skole ligg i naturskjønne omgivnader nær Nesttun sentrum. Det er kort veg til buss- og bybanestopp, og vi har Fana Arena og Slåtthaug kunstisbane rett i nærleiken. Skolen har ca 500 elevar fordelt på utdanningsprogramma BA,EL, HO, TIF og påbygging til generell studiekompetanse. Vi har eit mangfaldig elevmiljø og engasjerte tilsette. Her ser vi på alle utdanningsvegar som likeverdige, og er opptatte av at elevane skal oppleve trygg, aktiv læring i alle klasserom og verkstader. Vi søkjer ein engasjert miljøfagarbeidar som primært skal følgje opp elevar i byggverkstad og i anna praktisk arbeid. Du vil vere ein viktig støttespelar for elevar som treng tettare oppfølging fagleg og sosialt, og du vil bidra til eit trygt, inkluderande og aktivt læringsmiljø. Stillinga er eit vikariat fram til 31.12.2026, men det kan bli aktuelt med forlenging. .

Søknadsfrist: 23.06.2026
Arbeidsgivar: Vestland fylkeskommune
Stad: Nesttun
Stillingstittel: Miljøfagarbeidar (vikariat)
Stillingar: 1
Heiltid/Deltid: Heiltid
Tilsetjingsform: Vikar
Stillingsprosent: 100
Webcruiter-ID: 5145041900
Startdato: 01.08.2026
Sluttdato: 31.12.2026

Arbeidsoppgåver

• Følgje opp elevar i byggverkstad og andre praktiske arbeidssituasjonar
• Støtte elevar i å gjere gode val i skulekvardag og nå sine mål
• Hjelpe elevar som treng ekstra fagleg og/eller sosial støtte i undervisningssituasjonen
• Hjelpe elevar med å regulere emosjonar og åtferd i og utanom undervisningssituasjonen
• Samarbeide med lærarar i grupper og klassar
• Vere synleg i elevmiljøet i pausar og friminutt

Kvalifikasjonar

• Du har minst eitt relevant fagbrev – fortrinnsvis innan byggfag, men òg teknologi og industrifag, elektrofag eller barne- og ungdomsarbeidarfaget kan vere aktuelt.
• Du har erfaring frå verkstad og kan nytte verktøy og maskiner knytt til våre programområde.
• Erfaring frå arbeid med born og unge vil bli vektlagt.

Personlege eigenskapar

• Du likar å arbeide med ungdom og er ein god rollemodell.
• Du har ei positiv innstilling og skapar gode relasjonar.
• Du ser behova til den enkelte elev.
• Du er ein god lagspelar, er god til å samarbeide og deler av kunnskapen din.
• Du er praktisk og teknisk interessert og likar å arbeide med hendene.
• Du likar varierte arbeidsdagar og høgt tempo.

Vi tilbyr

Løn og lønsutvikling i tråd med Vestland fylkeskommune sin lønspolitikk

Gode forsikrings- og pensjonsordningar

Tett kollegasamarbeid og god delingskultur

Eit inspirerande og nyskapande profesjonsfellesskap

Slåtthaugvegen 134, 5222 Nesttun, Norge

Søk her

Kontaktinformasjon

Lena Sanden
avdelingsleiar
 Telefon:45291295

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista blir offentleggjort.

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.