Slåtthaug vgs - Lærer bygg- og anleggsteknikk (Søknadsfrist 22.03.2026)

Undervisningsstilling programfag bygg- og anleggsteknikk

Slåtthaug videregående skole ligg i flotte omgivnader nær Nesttun sentrum. Det er kort veg til buss- og bybanestopp, og vi har Fana Arena, Slåtthaughallen og Slåtthaug kunstisbane rett i nærleiken. Skolen har ca. 550 elevar fordelt på utdanningsprogramma BA,EL, HO, TIF og påbygging til generell studiekompetanse. Elevmilljøet hos oss er mangfaldig, og lærarane er engasjerte og kreative. Her ser vi på alle utdanningsvegar som likeverdige, og er opptatte av at elevane skal oppleve trygg, aktiv læring i alle klasserom og verkstader. Vi søkjer etter programfaglærar i bygg- og anleggsteknikk for tilsetting 1. august.

Søknadsfrist: 22.03.2026
Arbeidsgivar: Vestland fylkeskommune
Stad: Nesttun
Stillingstittel: Undervisningsstilling programfag bygg- og anleggsteknikk
Stillingar:1
Heiltid/Deltid: Heiltid
Tilsetjingsform: Fast
Stillingsprosent: 100
Webcruiter-ID: 5086122334
Startdato: 01.08.2026

Arbeidsoppgåver

Undervising og oppfølging av elevar.

100 % fast stilling med undervisning i programfag på bygg- og anleggsteknikk
Stillinga vil i hovudsak innebere undervisning på Vg1 men også noko på vg2 tømrarfaget.

Det kan bli aktuelt med kontaktlærarfunksjon i tillegg til undervisning.

Du samarbeider med kollegaer og leiing i profesjonsfellesskapet, og med opplæringskontor og næringsliv om formidling av læreplass til elevane.

Du held deg orientert om utviklinga i bransjen og i fag- og yrkesopplæringa.

Kvalifikasjonar

Forskrift til opplæringslova § 12-8 skildrar krav for å bli tilsett i lærarstilling i programfag på yrkesfaglege utdanningsprogram.
Til alle undervisningsstillingar er det krav om relevant fagleg og pedagogisk kompetanse.

Du har minimum fagbrev og fire års praksis i faget.
Det er krav om yrkesteoretisk utdanning innanfor bygg- og anleggsteknikk og praktisk pedagogisk utdanning.

Dersom du manglar delar av utdanningskravet blir start- og sluttidspunkt av utdanninga avtalt med leiar.

Det er ynskjeleg med:

– Undervisningserfaring.
– Erfaring i bruk av IKT og varierte digitale undervisningsmetodar.
– God skriftleg og munnleg framstillingsevne.

Personlege eigenskapar

Du likar å arbeide med ungdom og er ein god rollemodell.
Du har ei positiv innstilling og skaper gode relasjonar.
Du ser behova til den enkelte elev.
Du er ein god lagspelar, er god til å samarbeide og deler av kunnskapen din.
Du arbeider strukturert og systematisk.

Det vert lagt stor vekt på personlege eigenskapar ved tilsetting.

Du som skal tilsettast i vidaregåande skule må leggje fram godkjent politiattest.

Vi tilbyr

Løn og lønsutvikling i tråd med tariffavtalen og Vestland fylkeskommune sin lønspolitikk.
Gode forsikrings- og pensjonsordningar.
Tett kollegasamarbeid og god delingskultur
Eit inspirerande og nyskapande profesjonsfellesskap

Slåtthaugvegen 134, 5222 Nesttun, Norge

Søk her

Kontaktinformasjon

Magnhild Hakestad
rektor
Telefon:55140412
Telefon:97737676
E-post:[email protected]

Stig Haldor Haldorsen
ass. rektor
Telefon:55140413
Telefon:99620633
E-post:[email protected]

Om arbeidsgivaren

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista blir offentleggjort.

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.

Tilbake til søket Søk her

Del stillingen