Osterøytunet - Faglært kokk / Institusjonskokk (søknadsfrist 10.04.2026)

Vi søkjer faglært kokk, men vurderer også søkjarar med erfaring frå institusjonskjøkken

Om stillinga

Osterøytunet er kommunen sin sjukeheim og ligg på Hauge. Sjukeheimen har 65 plassar. I tillegg til Osterøytunet sine bebuarar, server kjøkkenet også bufellesskap, heimebuande eldre og nokre dagsenter. Kjøkkenet har også sal av mat til lag, organisasjonar og andre kundar på Osterøy. Kjøkkenet produserar etter kok/kjøl og sous vide- metodar. Vi pakkar porsjonsmiddagar til heimebuande og leverar tørrmat til avdelingar på Osterøytunet og Hauge bufellesskap.

Avdelinga har totalt 3,2 årsverk fordelt på leiar og tre andre tilsette.

Kjøkkenet har ledig 100% vikar stilling som kokk for kjøkkenet frå 20.04.2026.

Kjøkkenet har arbeidstid mandag til fredag 07:00-15:00.

Oppstart er 20. april 2026, med ei varigheit på 6 månader og moglegheit for forlenging.

Arbeidsoppgåver

Produksjon av mat til bebuarar på Osterøytunet og heimebuande som kjøper middag frå kjøkkenet.
Vakumering av råvarer og ferdigretter.
Mottak av varer fra leverandørar.
Dagleg reinhald på kjøkkenet.
Følge gjeldande rutinar for hygiene og mattryggleik (HACCP)
Følge arbeidsplanar, rutinar og instruksar
Søkjar må ha grunnleggjande digitale ferdigheiter og kunne bruke PC og aktuelle datasystem i arbeidet.

Vi tilbyr

Eit godt og inkluderande arbeidsmiljø med hyggelege kollegaer
Opplæring og rettleiing i rutinane og matlaginga til storkjøkkenet
Arbeidsoppgåver med moglegheit for å utvikle ferdigheiter
Fastlønn etter tariffavtale

Kvalifikasjonskrav

Fagbrev som kokk eller relevant erfaring frå institusjonskjøkken
Erfaring med norsk tradisjonsmat
Gjerne kjennskap til sous-vide og kok–kjøl-produksjon
Må beherske norsk både munnleg og skriftleg
Må vere i god fysisk form, då arbeidet til tider inneber tunge løft

Kven er du?

Må like å lage mat
Må kunne samarbeide og arbeide godt i team
Må ha god helse, då arbeidet inneber ein del tunge løft i løpet av arbeidsdagen

Offentleg tenestepensjon

I denne stillinga har du rett på ei av Noregs sikraste pensjonsordningar: offentleg tenestepensjon. Der dei fleste tenestepensjonar berre utbetalast i 10 år, er offentleg tenestepensjon ei utbetaling som varar frå den dagen du sluttar å arbeide – og livet ut!

Pensjonen inkludera og uføre- og etterlattepensjon dersom noko uventa skulle skje. Med pensjonsrett i KLP får du og medlemspris og gunstige betingelsar på ei rekke bank, forsikring og spareproduktar!

Sjå vår Pensjonsguide for meir informasjon om kva for godar du som tilsett i Osterøy kommune får med deg!

Om oss

Osterøy kommune – Nær byen, nær naturen. Osterøy, ei av Nord-Europas største innlandsøyer, eit levande lokalsamfunn med allsidig næringsliv, godt utbygd servicetilbod og vakkert landskap. Folketalet er på om lag 8 000 innbyggjarar og det er både bru- og ferjesamband til nabokommunen Bergen. Frå Lonevåg sentrum, kommunesenteret vårt, tar køyreturen til Bergen om lag 45 minutt, til Åsane tar det om lag 30 minutt og til Arna kjem du på om lag 20 minutt. I tillegg til Lonevåg har ein og Valestrand, Haus, Fotlandsvåg og Bruvik som større bygder/tettstadar.

Osterøy har ein allsidig og livskraftig småindustri innan mekanisk, møbel, tekstil og næringsmiddelindustri. Fiskeoppdrett/-foredling er og ei viktig næring. Landbruk sysselset om lag 300 personar og tømraryrket står framleis høgt i kurs her på Osterøy.

I Osterøy skal det vere godt å bu både for unge og eldre. Kommunen har eit rikt kulturliv, ulike idrettsaktivitetar, godt utbygd skule- og barnehagetilbod og gode helse- og sosiale tenester.

Bli med på laget i Osterøy kommune! Me ønskjer oss stadig fleire kompetente og engasjerte medarbeidarar. Me ser fram til å ta godt i mot deg og gje deg ein meiningsfull arbeidskvardag.

Spørsmål om stillinga

Lina Traskinaite
Einingsleiar
+47 464 20 526
[email protected]

Søk stillinga