Miljøarbeider 100 % stilling – ved Lund arbeidsbase

IHT, Tilrettelagde Tenester avd. Lund arbeidsbase søkjer miljøarbeidar i 100 % fast stilling, som skal bistå til ein aktiv og meiningsfull kvardag. Miljøarbeidaren skal vera veiledande og motiverande for både unge og vaksne som treng ein meiningsfylt arbeidsretta aktivitet i kvardagen.

Søknadsfrist: 03.09.2024
Arbeidsgivar: Vang Kommune
Stad: VANG I VALDRES
Stillingstittel: Miljøarbeider 100 % stilling – ved Lund arbeidsbase
Stillingar: 1
Heiltid/Deltid: Heiltid
Tilsetjingsform: Fast
Stillingsprosent: 100
Webcruiter-ID: 4843254853

Arbeidsoppgåver

• Praktiske og faglege arbeidsoppgåver tillagt den enkelte, i samarbeid med fagansvarleg og næraste leiar.
• Utøve målretta miljøarbeid. Gjere seg kjend med og opptre slik at eigen praksis tilfredsstiller gjeldande lover, reglar og normer.
• Vere lojal overfor vedtak og tiltak.
• Aktivt søkje å nå fastsette mål for arbeidet gjennom målretta miljøarbeid.
• Praktisk bistand og opplæring til tenestemottakarar etter HOL §3-2,6.
• Ivareta brukarmedverknad i all tenesteyting.
• Dokumentere etter gjeldande lover og reglar.
• Me har mange ulike oppgåver der ein treng kjennskap til alt frå kjevle og catering til traktor, planting og blomeoppsetting. Dette er arbeids- og aktivitetsoppdrag som Lund bidreg til.

Kvalifikasjonar

• Fortrinnsvis helsefagarbeidar, men andre med relevant utdanning/praksis og erfaring kan også søkje.
• Gode samarbeidsferdigheiter.
• Kunnskap og erfaring frå arbeid med målgruppa.
• Gode ferdigheter innan IKT og bruk av elektronisk pasientjournal.
• Gode norskkunnskapar både munnleg og skriftleg.
• Førarkort klasse B er eit minimum.

Personlege eigenskapar

• Du er tillitsskapande og innkluderande. Du er stabil, fleksibel og tilpassingsdyktig. Du er motivert, engasjert og strukturert, og søkjer eigen kunnskap innanfor fagfeltet.
• Du kan samarbeide, men likevel arbeide sjølvstendig.
• Du evnar å sjå gevinsten av tverrfagleg samarbeid, og andre samarbeidsinstansar.
• Du er tålmodig og evnar å sjå det individuelle behovet for å nå målsettingar.
• Du likar å arbeide med menneske og skapar lett tillit hjå andre.
• Tidlegare erfaring i arbeid med ulike diagnosar.

Vi tilbyr

• Ei spennande stilling med varierte arbeidsoppgåver
• Opplæring og rettleiing
• Lønn etter tariff i hht hovudtariffavtala, gode pensjonsvilkår og forsikringsavtalar.
  Stillinga krev politiattest jf. helsepersonell-loven § 5-4. Attesten må leggjast fram før tiltreding.
  Tilsetting skjer på vilkår som gjeld til ei kvar tid i kommunal sektor.
  Ved intern tilsetting kan andre tilsvarande stillingar verte tilbudt.

Tyinvegen 5150, 2975 VANG I VALDRES, Norge

Søk her

Kontaktinformasjon

Marit Gjærdingen
Leiar Lund
 Telefon:90106617
E-post:[email protected]

Vang kommune som arbeidsgjevar: 

• Ca 290 tilsette fordelt på kommunalområda: Helse og omsorg, Utdanning og kultur, Landbruk og teknisk, og Stab
• Den viktigaste ressursen me har er våre tilsette. I Vang kommune gjer me det me kan for at tilsette skal ha det bra på arbeid!

Å bu i Vang kommune: 

• Ei storstilt satsing på barn og unge!
• Ein kombinert barne – og ungdomsskule, med ca 200 elever. Nyrenovert med heilt ny fleirbrukshall med klatrevegg, basseng etc. Tolærarsystem, slik at det nesten alltid er to lærarar tilstades i klasserommet. Skulen nyttar Vang sin flotte natur mykje, både ved uteskule, faget FRI-NAT (friluftsliv og natur), og spanande utflukter. I Vang er SFO gratis for alle barn!
• Vang kommune har to barnehagar, Høre og Fredheim, begge har småbarns og storbarnsavdeling. I Vang er det løpande barnehageopptak (start når det passar dykk!) og frå august 2024 er månadsprisen per barn 1500 kr
• Helse og omsorgstenester av god kvalitet
• Vang kommune har personalbustadar til leige, med butid opptil 3 år
• Byggeklare tomter fleire stadar i kommunen, alle med fantastisk utsikt!
• I Vang finn du 2 solide kontorfellesskap, gjer som fleire andre og ta med deg arbeidet til Vang!
• Både i Vang og resten av Valdres finn du eit yrande kulturliv, der tradisjon står i høgsete,  med blant anna tradisjonsmat, tradisjonsmusikk, tradisjonshandtverk og aktiv stølsdrift. Vang kommune har også ein god kulturskule med stort utval av tradisjonelle og moderne aktivitetar
• I Vang står lag, foreiningar og idrett sterkt, her finn du aktivitetar for einkvar smak!
• Vang har ein storarta natur som innbyr til friluftsliv sommar som vinter, er du glad i turar, ski, jakt og fiske så er dette staden for deg!  Vang blir sagt å ha «vestlandsfjell med austlandsklima«, og er ei bygd med landbruk, grundarar, turisme og næringsliv i eit levande og inkluderande bygdesamfunn. I Vang finn du også store delar av Jotunheimen og ikkje minst festivalen Vinjerock
• I Vang har dei fleste kort avstand mellom arbeid, barnehage og skule. Her kan du leve eit så roleg eller så aktivt liv som du sjølv ynskjer, i ei distriktskommune med positiv folketalsutvikling
• Meir info om korleis det er å bu i Vang og kva som skjer i Vang finn du her på VangiValdres. Kontakt gjerne Innovangsjon direkte om du tenker på å flytte til Vang!
• Meir info om arbeids – og bumarkedet Valdres finn du på VelgValdres

Vang kommune er opptatt av mangfold og oppmodar kvalifiserte kandidatar til å søke uansett alder, kjønn, funksjonsevne eller kulturell bakgrunn. 

Me gjer merksam på at søkjarar kan få sitt namn gjort offentleg i søkjarlista, sjølv om det er bedt om konfidensiell behandling. Du som søkjar vil i tilfelle bli varsla på førehand om det.