Lærarvikarar

 

 

Samnanger barneskule treng lærarvikarar for skuleåret 23-24. I tillegg treng me ringevikarar.
Utlysinga gjeld vikariat for skuleåret 2023-2024. Er du den me ser etter som ynskjer å vera med oss på laget for å utvikla skulen vår vidare med desse verdiane? Skriv ein kortfatta søknad som skildrar kven du er.

Barneskulen er ein skule med om lag 210 elevar. Les meir her: http://www.minskole.no/samnanger

 

Dette er Samnanger barneskule:

• Ligg flott til, ca 45 min frå Bergen, med nydeleg natur rundt skulen
• Ungt og engasjert kollegie som løfter i flokk
• Gode bygg og godt utstyrt skule
• Trafikksikker skule med hjartesone
• Visjonen er ein god stad å vera og ein god stad og læra

 

Me har saman arbeidd fram kjerneverdiar som skal visa att i vår praksis;

• «Vi-skule», der vennskap og fellesskap står sterkt.
• Leksebevisst skule, der meistring og motivasjon har fokus.
• Samarbeid med andre. Me har eit felles ansvar for våre elevar.
• Inkluderande skule gjennom anerkjenning, respekt, aksept for ulikskap og lyttar til elevane si røyst.
• Livsmeistring ved å anerkjenna kjensler, god kommunikasjon og bry seg.

 

Nøkkelord: vår skule, våre elevar, kommunikasjon og relasjonar.

Skulen har fokus på å sjå heile mennesket og vektlegg både sosiale og faglege mål gjennom tidleg innsats og kjerneverdiane våre. Engasjerte elevar og kollegaer er verdiar me ynskjer å sjå i praksis Me er ein skule i utvikling og har godt kvalifiserte tilsette som trives på arbeidsplassen sin.

 

Arbeidsoppgåver

• Kontaktlærar
• Spesialpedagogikk
• Undervisning i ulike fag

 

Kvalifikasjonar

• Godkjent lærarutdanning
• Politiattest. jfr. Opplæringslova § 10-9
• God nynorsk framstilling
• God digital kompetanse

 

Personlege eigenskapar

• Du har fokus på eleven sitt beste
• Du likar å leika, både ute og inne
• Du er ein motivert og engasjert pedagog og kollega
• Du er god på å skapa gode relasjonar
• Du er ein tydeleg og varm klasseleiar og vaksenperson
• Du er bevisst på eigne haldningar og verdiar
• Du er nytenkande og opptatt av pedagogisk utviklingsarbeid
• Du bidreg på ein positiv måte i personalet, med humor og faglege innspel
• Du samarbeider og kommuniserer godt
• Personlege eigenskapar blir vektlagt

 

Me tilbyr

• Godt arbeidsmiljø og ein utviklingsorientert organisasjon
• Lønn, offentleg pensjon og arbeidsvilkår etter gjeldande lov- og avtaleverk
• Mentorordning og nettverk for nyutdanna lærarar i tråd med sentral avtale
• Gunstig pensjonsordning, yrkesskade- og gruppelivsforsikring
• Eit godt og inkluderande arbeidsmiljø, og god samarbeidsånd
• Gode velferdsordningar

 

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hjå oss uansett alder, funksjonsevne, kjønn eller minoritetsbakgrunn. All utanlandsk utdanning må vera NOKUT godkjent. Me legg vekt på å leggja til rette arbeidsforholda dersom du har behov for det.

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader.
Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort, og vil ha moglegheit til å trekkja søknaden.

Som tilsett i Samnanger kommune vil du bli innmeldt i SPK si pensjonsordning. SPK tilbyr pensjon, bank og forsikringstenester og er Norges største pensjonsselskap. Ordninga dekker alderspensjonar, AFP, uførepensjon, etterlattepensjon, yrkesskade- og gruppelivsforsikring.

Ynskje to relevante referanser.

Søknadar må leverast innan fristen og må sendast inn via rekrutteringssystemet vårt EasyCruit.

 

 

Søk her

 

 

• Fylke: Vestland
• Jobbtype: Vikariat
• Heiltid/Deltid: Heiltid
• Arbeidstid: Dag
• Søknadsfrist: 20.08.2023
• Arbeidsstad: Tysse

 

Kontaktpersonar:

Eli Kristin Berge
mob: +47 907 40 850

Skulen ligg vakkert til og har funksjonelle og miljøvenlege bygg. Me har ca. 210 elevar. Skulen har eit stort og variert uteområde, eit flott skulebibliotek, digitale tavler i alle klasserom og kort veg ut i naturen.