Me søkjer:

Er DU den me leitar etter? Kanskje på tide å byte arbeidsplass? Lei av å pendla langt, eller kanskje du likar å køyre bil å koble av med ein god podcast eller lydbok? Me på Vikedal skule er på leit etter DEG som er utdanna lærar! 

Me kan tilby 100% fast stilling på Vikedal skule. Ein kan bli samde om kor det kan passa best å jobba, me er ein 1-10 skule, og me ser ut frå kva kompetanse du har kor det kan passa å jobba hjå oss. Dersom det er noko du lurar på er det berre å ta kontakt! I alle høve er du velkommen til å søkje, eller ta ein uforpliktande samtale. 

Vikedal skule er ein 1-10 skule med rundt 150 elevar. Sosial læring og utvikling er skulen sitt fokusområde,  og me treng deg som brenn for dette arbeidet og som likar å jobba med barn og unge. 

Hovudarbeidsoppgåver:

• Me søkjer etter lærar i totalt 100% stilling med kompetanse i blant anna fag som matematikk, musikk, spesialpedagogikk, engelsk og samfunnsfag. Andre fag kan også vera aktuelle. 

Kvalifikasjonar:

• Grunnskulelærarutdanning eller anna godkjent pedagogisk utdanning som er relevant for arbeid i grunnskulen. Du må kunne jobba etter LK20, ha gode IKT-kunnskapar, vera god på å samarbeida med andre og ser løysingar. Du må meistre det norske språket både munnleg og skriftleg. Me søkjer deg som er glad i å vera saman med elevar og som likar å jobba med varierte undervisningsmetodar og tilpassa opplæring. Du må vera ein god klasseleiar og ein varm og autoritativ vaksen. 

Personlege eigenskapar:

•  Du må vera positiv i møte med både vaksne og barn, og at du bidrar positivt inn mot arbeidsmiljøet. Du er ikkje redd for å tenkja litt utanfor boksen og ser løysingar, ikkje problemer. 

Me kan tilby:

• Variert arbeid i eit positivt miljø
• Faglege utfordringar og utvikling som fagperson
• God opplæring og samarbeid med andre
• Mentor til nyutdanna lærarar
• Rabatt på treningssenter
• Bedriftskunstlag
• Kommunalt kor, KORe’ Vindafjord (www.korevindafjord.no)
• Gode forsikrings- og pensjonsordningar (frå løna vert det trekt 2 % innskot til pensjonsordning)

Lønsvilkår:

Løn etter gjeldande tariff og avtaleverk.

Andre opplysningar:

Ved arbeid i barnehage, skule, barnevern, helse og omsorg, skal det leggast fram godkjent politiattest. Ved arbeid i barnehage, skule eller helse og omsorg skal det leggast fram godkjend dokumentasjon på tuberkulinkontroll før oppstart i jobb dersom du har budd eller opphalde deg i land med høg tuberkuloseførekomst i meir enn tre månadar. Personell i helse og omsorg legga fram helseopplysningsskjema i høve til MRSA.

Les du ennå så er det kanskje eit teikn på at du bør sende inn ein søknad. Kan love flotte, kreative, inspirerande, dyktige og engasjerte kollegar- og me er ei leiing som er tett på. Rektor er inne i sitt 2. år, på skulen og inspektør starta som inspektør i haust- bli med å forme Vikedal skule saman med oss, og søk då vel!

Slik søker du: 

Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.