Kyrkjetenar / kyrkjegardsarbeidar i Seljord sokn (søknadsfrist 25.02.2024)

Kyrkjetenar/kyrkjegardsarbeidar i Seljord sokn

Seljord Sokn
3840 Seljord

Seljord sokn søkjer etter kyrkjetenar/kyrkjegardsarbeidar i 100% fast stilling.

Det er to kyrkjetenarstillingar i soknet, som jobbar saman i team. Næraste overordna er kyrkjeverje/dagleg leiar. Som kyrkjetenar får du ein variert arbeidskvardag med alt frå utearbeid på kyrkjegarden med graving, plenklypping, snøbrøyting osv., til tilrettelegging i kyrkja ved gudstenester, gravferd, vigslar og andre arrangement. Ein må rekne med arbeid i snitt annankvar helg, og på høgtidsdagar til dømes jol og påske.

Arbeidsoppgåver:

Praktisk tilrettelegging i kyrkjebygga før og undervegs i gudstenester, gravferd, vigsel, konsertar osv.
Vaktmeisterteneste og vedlikehaldsoppgåver knytt til kyrkjegard, kyrkjebygg, maskinar og utstyr.
Grasklypping, snøbrøyting, strøying.
Graving
Reinhald

Kvalifikasjonar:

Maskinførarbevis for gravemaskin (M2) og hjullastar (M4)
Førarkort kl. BE

Personlege eigenskapar:

Sjølvstendig
God til å samarbeide
Pliktoppfyllande
Praktisk anlagt
Fleksibel og serviceinnstilt
Imøtekommande og likar å jobbe med menneske

Anna:

Søkjarar må vere medlem av Den norske kyrkja.
Må beherske norsk munnleg og skriftleg.
Må disponere eigen bil med hengarfeste og tillatt hengarvekt minst 2000 kg.

Vi tilbyd:

Triveleg arbeidsmiljø
Løn etter KA sitt avtaleverk.
Pensjonsordning i KLP.

Søknad og CV kan sendast til: Seljord sokn, Brøløsvegen 13A, 3840 SELJORD, eller på e-post til: [email protected].

Spørsmål om stillinga kan rettast til Kyrkjeverje Petter Jakobsen, tlf.: 909 51 409 eller e-post: [email protected]

Om arbeidsgiveren

Arbeidsgiver: Seljord Sokn
Hjemmeside: https://seljordkyrkje.no

Seljord sokn ligg i Seljord kommune i Øvre Telemark prosti. Seljord kommune har om lag 2 900 innbyggjarar, fordelt på fleire bygder/tettstader. I soknet er det tre kyrkjer med tilhøyrande kyrkjegardar, samt eit kapell: Seljord kyrkje frå 1180, Flatdal kyrkje frå 1654, Åmotsdal kyrkje frå 1792 og Manndal kapell frå 1954. I tillegg I tillegg blir det feira gudstenester i private kapell, bedehus og i friluft.

Dei faste stillingane som utgjer staben i Seljord sokn er sokneprest, diakon/trusopplærar, organist/kantor, kyrkjeverje/dagleg leiar og to kyrkjetenarar/kyrkjegardsarbeidarar.

Om stillingen