Kvinnherad kommune Barn og familie

Leiar PP-tenesta 100% fast

Eining Barn og familie – er ei av 21 einingar i sektor oppvekst. Eininga er delt inn i seks avdelingar: barnevern, helsestasjon, PPT, avdeling Familiestøtte, Villatoppen Avlastningsbustad og Butiltak Barn og unge. Eininga held til på Husnes tenestesenter.

Omtale av stillinga

Kvinnherad kommune har ledig 100% fast stilling som leiar av PP-tenesta for snarleg tilsetting eller etter avtale. Leiaren er avdelingsleiar i eininga Barn og familie.

Kvinnherad kommune ynskjer ei teneste med stort fokus på systemretta arbeid mot barnehagar og skular. Saman med einingsleiar, sektorleiar og staben vert PP-tenesta ein viktig støttespelar i utvikling av oppvekstsektoren i kommunen.

Tidleg innsats, tverrfagleg samarbeid og førebygging vil vera sentralt fokus for leiaren som vert tilsett.

PPT-leiar vil ha det daglege faglege ansvaret innan fagområdet, økonomi og personale. I tillegg inneber stillinga oppgåver knytt til sakshandsaming som PP-rådgjevar, både på system- og individnivå. Som ei del av ei større eining vert det forventa tett samarbeid med andre tenester.

Kommunen har starta eit arbeid for å implementere Betre tverrfagleg innsats (BTI-modellen). I tillegg ønskjer eininga å halde fram satsing på å bygge opp kompetanse på kartlegging og ei verktøykasse med ulike metodar innan veiledning, som PMTO, MarteMeo og Circle of Security.

Kvalifikasjonar

Pedagogisk-psykologisk kompetanse på master/hovudfagsnivå. Andre med brei spesialpedagogisk /pedagogisk bakgrunn kan bli vurdert.
Det er ein fordel om du har leiarutdanning
Erfaring frå arbeid med organisasjonsutvikling og kompetanseutvikling i skule og barnehage.
Kompetanse og erfaring frå både leiing og arbeid innan spesialpedagogikk.
Erfaring frå praksisfeltet.

Personlege eigenskapar

Det vil bli lagt avgjerande vekt på personleg eigenskapar

• Tydeleg leiar
• Utviklingsorientert
• God arbeidskapasitet
• Evne til å leia og motivera medarbeidarar
• God organisasjonsforståing
• Gode kommunikasjons- og samarbeidsevner
• Fokus på tverrfagleg samarbeid
• Evne til å vera handlingsrett
• Eigna for arbeid med foreldre, barn og ungdom
• Gode evner til å uttrykkja seg skriftleg og munnleg
• Den som vert tilsett må ha sertifikat og disponera bil.

Vi tilbyr

Tilsetjing skjer etter gjeldande vilkår for kommunale arbeidstakarar i samsvar med HTA og AML.

Pensjonsordning, ulykkes- og gruppelivsforsikring gjennom KLP.
Kvinnherad kommune er ei IA-verksemd.
Gode arbeidstilhøve i eit godt arbeidsmiljø.
Dekning av flytteutgifter etter nærare reglar.
Fagleg og personleg utvikling
Fleksibel arbeidstid
Oppfølging og støtte frå leiinga.
Løn etter avtale i kapittel 4 i HTA

Det er krav om gyldig politiattest før du tiltrer i stillinga. Kravet er heimla i lov om barnevern § 12-11, opplæringslova § 17-11, lov om barnehagar § 30, Helsepersonellova § 20 og helse- og omsorgstenestelova § 5-4.

Søk på stilingen her.

Fylke: Vestland

Jobbtype: Fast

Heiltid/Deltid: Heiltid

Arbeidstid: Dag

Søknadsfrist: 16.03.2025

Tiltreding:  Snarleg tilsetting

Arbeidsstad: Husnes tenestesenter

Kontaktpersonar:

Randi Pedersen

mob: +47 45288088

Heimeside:
www.kvinnherad.kommune.no
Adresse: Sentrumsvegen 29 5460 Husnes

Kvinnherad kommune Barn og familie

Kvinnherad kommune har 13.100 innbyggjarar og ligg i Sunnhordland, mellom Bergen, Haugesund og Odda.
Rosendal er administrativt senter, Husnes er største tettstaden og har vidaregåande skule og handelssenter.
Kvinnherad tilbyr gratis SFO og søskenmoderasjon i barnehagen.
Naturen rundt byr på sjø, skog, fjell og bre. Nyleg vart Kvinnherad Arena opna, som er den største aktivitetshallen i kommunen. Idrettslag og kulturskule gir moglegheiter for både sports- og kulturinteresserte.
Handelsmoglegheiter finn du på Husnes storsenter og i Rosendal, og det er gode transporttilbod både til Bergen og Haugesund.
Kvinnherad kommune har per i dag ikkje eigedomsskatt for hus, hytter og næring.