Kinn kommune - Kommuneoverlege (søknadsfrist 17.12.2025)

Kinn - Bilde øverst

Kommuneoverlege

2. gangs utlysing

Kinn kommune søkjer ein engasjert og fagleg dyktig kommuneoverlege. Kommuneoverlegen er ein sentral rådgjevar for kommunedirektør og kommunens leiarar, og har ei nøkkelrolle i arbeidet med førebyggjande helsearbeid, smittevern, kriseberedskap og samarbeid på tvers av tenester. Stillinga er organisert i kommunedirektør sin stab Strategi og samordning.

Kommunen har eit breidt spekter av helse- og velferdstenester, og du vil få høve til å samarbeide tett med både fastlegar, leiarar og fagpersonar på tvers av tenesteområda. Kommunen er med i fleire utviklingsprosjekt på både regionale og på nasjonale nivå som kommuneoverlege vil vere viktig deltakar i.

Søknadsfrist: 17.12.2025
Arbeidsgivar: Kinn kommune
Stad: Måløy
Stillingstittel: Kommuneoverlege
Stillingar: 1
Heiltid/Deltid: Deltid
Tilsetjingsform: Fast
Stillingsprosent: 60

Arbeidsoppgåver

Medisinskfagleg rådgjeving og kvalitetssikring
Overordna ansvar for smittevern og helsefagleg beredskap
Rettleiing og samarbeid med fastlegar og øvrige helsetenester
Deltaking i strategisk planarbeid, rekrutteringsarbeid og utviklingsarbeid
Oppfølging av lovpålagde oppgåver som ligg til kommuneoverlegen.
Rettleiing og samarbeid med dei kommunale tenestene.
Proaktiv planlegging for ei eldre befolkning.

Kvalifikasjonar

Norsk autorisasjon som lege
Godkjend spesialist i samfunnsmedisin er å fortrekke – eller at søkjar er under utdanning
God kjennskap til kommunehelsetenesta, og pleie og omsorgstenesta, samt relevant lovverk
Gode norskkunnskapar, både munnleg og skriftleg
Evne til å jobbe sjølvstendig og i team

Personlege eigenskapar

Vi søker ein kommuneoverlege som er;

engasjert, sjølvleiande, løysingsorientert og opptatt av godt samarbeid
trygg i faglege vurderingar og god på kommunikasjon
interesse for utvikling- og kvalitetsarbeid
engasjert i førebyggjande helsearbeid.

Vi tilbyr

Eit fagleg fellesskap med mellom anna assisterande kommuneoverlege og interkommunal folkehelseavdeling
Spennande og varierte arbeidsoppgåver i ein utviklingsorientert kommune
Gode høve til fagleg utvikling
Fleksibel organisering med moglegheit for kombinasjon med klinisk arbeid
Løn etter avtale
Deltaking i regionalt kommuneoverlegenettverk
Stillinga kan kombineres med fastlegeheimel enten ved legekontoret i Florø eller ved legekontoret i Måløy

Kinn kommune, Gate 1 120, 6700 Måløy, Norge

Søk her

Kontaktinformasjon

Trude Gulbranson
Stabsleiar strategi og samordning
Telefon:48080537
E-post:[email protected]

Vår visjon:
I Kinn har vi gode fungerande lokalsamfunn, der vi realiserer det store potensiale på kysten, flotte bu- og fritidsområde og ei berekraftig utvikling. Vi er ein av dei største kommunane i Vestland fylke med våre 17.403 innbyggarar. Som arbeidsgjevar har vi med oss 1632 tilsette, og vi ønskjer deg velkommen med på laget. I alle stillingar knytta til helse og velferd og alle stillingar i oppvekst – må tilsette pårekne koordinatoransvar.

Tilbake til søket Søk her

Del stillingen