Undervisning som programfaglærar på modulstrukturert vaksenopplæring (MVOV) for kokkfag. Det kan og bli aktuelt med undervisning på Vg1 Restaurant- og matfag og Vg2 Kokk- og servitørfag. Stillinga kan bli utvida på eit seinare tidspunkt.

Du samarbeider med kollegaer og leiing i profesjonsfellesskapet, og med opplæringskontor og næringsliv om formidling av læreplass til elevane. 

Du held deg orientert om utviklinga i bransjen og i fag- og yrkesopplæringa.

Det kan bli aktuelt med kontaktlærarfunksjon i tillegg til undervisning. 

Forskrift til opplæringslova § 12-8 skildrar krav for å bli tilsett i lærarstilling i programfag på yrkesfaglege utdanningsprogram i den vidaregåande opplæringa. Fylkeskommunen skal sørgje for at dei som skal tilsettast oppfyller eitt av desse krava:

a) Du har yrkesfaglærarutdanning. Du som har slik utdanning, kan tilsettast for å undervise i fag der du har minst 60 studiepoeng relevant utdanning.

b) Du har universitets- eller høgskoleutdanning som samla utgjer minst 180 studiepoeng, inklusive pedagogisk utdanning etter § 12-1. Du som har slik utdanning, kan tilsettast for å undervise i fag der du har minst 60 studiepoeng relevant utdanning.

c) Du har faglærarutdanning. Du som har slik utdanning, kan tilsettast for å undervise i fag der du har minst 60 studiepoeng relevant utdanning.

d) Du har fag- eller sveinebrev eller bestått anna yrkesfagleg vidaregåande opplæring. I tillegg må du ha to års yrkesteoretisk utdanning utover vidaregåande skolenivå og fire års yrkespraksis etter fullført vidaregåande opplæring. Slik bakgrunn kvalifiserer for tilsetting i fag som utdanninga eller bakgrunnen er relevant for. Det krevst også pedagogisk utdanning i samsvar med § 12-1.

e) Du har lærarutdanning med spesialpedagogisk utdanning tilsvarande minst 60 studiepoeng. Du som har slik utdanning, kan tilsettast for å gi individuelt tilrettelagd opplæring eller dersom det er ønskjeleg ut frå behova til elevane.

Dersom du manglar delar av utdanningskravet blir start- og sluttidspunkt av utdanninga avtalt med leiar.

Det er ynskjeleg med:

– Undervisningserfaring.
– Erfaring i bruk av IKT og varierte digitale undervisningsmetodar.
– God skriftleg og munnleg framstillingsevne.

• Du er inkluderande og oppteken av verdien av mangfald.
• Du har god pedagogisk forståing.
• Du er engasjert og positiv, og legg til rett for variert undervisning.
• Du tek initiativ til samarbeid og er ein aktiv deltakar i profesjonsfellesskapet, men er òg sjølvstendig i eige arbeid.
• Du trivst i eit hektisk arbeidsfellesskap med elevar, miljøarbeidarar, lærarar og andre hjelpeinstansar i laget rundt eleven.

Det vert lagt stor vekt på personlege eigenskapar ved tilsetting.

Du som skal tilsettast i vidaregåande skule må leggje fram godkjent politiattest.

• Fitjar vgs er ein spanande arbeidsstad med rom for kreativitet og nytenkjing. Me har eit særs triveleg arbeidsmiljø og har eit aktivt velferdslag.
• Gode høve til eiga læring og utvikling. 
• Løn og lønsutvikling i tråd med tariffavtalen og Vestland fylkeskommune sin lønspolitikk.
• Gode forsikrings- og pensjonsordningar.
• For meir informasjon om skulen, sjå heimesida vår http://fitjar.vgs.no