Fastlege, Legegruppa SMS i Florø

Kinn kommune har ledig 2 fastlegeheimel som sjølvstendig næringsdrivande ved Legegruppa SMS i Florø. Heimelane er ledig for oppstart snarast. Innkjøp i Legegruppa SMS AS må påreknast.

Legekontoret har 16 faste heimlar, den eine som deleliste og 2 LIS1 knytt til kontoret. Alderssammensetninga blant legane på kontoret er mellom 30 – 60 år. Det er 10 legar som er spesialistar i allmennmedisin, dei andre er under spesialisering. Listestorleik på fastlegeheimelen er 800 pasientar.
Kontoret har tilsett legar og hjelpepersonell med lang erfaring og brei faglig kompetanse. ALIS avtale med rettleiing er tilgjengeleg ved behov. Hjelpepersonell på kontoret er tilsett på legekontoret. Kontoret nyttar CGM EPJ og Convene betalingssystem.

Legekontoret er godt etablert i lyse og fine lokaler sentralt i Sunnfjord medisinske senter. Tal innbyggjarar som bur i Kinn kommune er ca 17200 . På Sunnfjord medisinske senter finner du også helsestasjon, barnevern, NAV, apotek, fysio- og ergoterapitenester med meir. Legevakt er lokalisert på Sunnfjord Medisinske Senter. Den er interkommunal og dekker Bremanger og Florø delen av Kinn kommune.

For informasjon om Legegruppa SMS sjå https://legegruppa-sms.no/ 
For informasjon om Sunnfjord Medisinske senter sjå https://sms-senteret.no/ 

Søknadsfrist: 08.04.2026
Arbeidsgivar: Kinn kommune
Stad: Florø
Stillingstittel: Fastlege, Legegruppa SMS i Florø
Stillingar: 2
Heiltid/Deltid: Heiltid
Tilsetjingsform: Fast
Stillingsprosent: 100
Webcruiter-ID: 5102445441

Sunnfjord Medical Center, Hans Blomgate 39, 6900 Florø, Norge

Søk her

Kontaktinformasjon

Katrine Holvik Skinlo
Tenesteleiar
 Telefon:+47 97531483

Vår visjon:

I Kinn har vi gode fungerande lokalsamfunn, der vi realiserer det store potensiale på kysten, flotte bu- og fritidsområde og ei berekraftig utvikling. Vi er ein av dei største kommunane i Vestland fylke med våre 17.403 innbyggarar. Som arbeidsgjevar har vi med oss 1632 tilsette, og vi ønskjer deg velkommen med på laget. I alle stillingar knytta til helse og velferd og alle stillingar i oppvekst – må tilsette pårekne koordinatoransvar.