Driftsoperatør vatn og avløp – 100 % fast stilling

 

Vang kommune har ledig 100 % fast stilling som driftsoperatør vatn og avløp, ved Landbruk og teknisk etat. Det er ynskjeleg med snarleg tiltreding.

Vang kommune har 4 avløpsanlegg og 7 vassverk med tilhøyrande leidningsnett og pumpestasjonar. Anlegga betener fritidsbustader, faste bustader, næring og kommunale bygg som skule og barnehage.
Dei siste åra har kommunen investert betydelege beløp i nye anlegg. Byggeaktiviteten vil også vera stor i dei kommande åra.
Kommunen nyttar digitale løysningar innanfor GIS, driftsovervaking, avviksrapportering og internkontroll.
I avdeling for vatn og avløp er det 3 driftsoperatørar, ein ingeniør samt avdelingsleiar vatn og avløp. Stillinga er underlagt avdelingsleiar vatn og avløp.

 

Søknadsfrist: 08.09.2024
Arbeidsgivar: Vang Kommune
Stad: Vang i Valdres
Stillingstittel: Driftsoperatør vatn og avløp – 100 % fast stilling
Stillingar: 1
Heiltid/Deltid: Heiltid
Tilsetjingsform: Fast
Stillingsprosent: 100
Webcruiter-ID: 4835834386

 

Arbeidsoppgåver

• Service og reparasjonar på anlegg for vatn og avløp
• Delta i den daglige drifta saman med dei andre driftsoperatørane
• Delta i den til ei kvar tid gjeldande vaktordninga

Andre arbeidsoppgåver kan bli lagt til stillinga.

 

Kvalifikasjonar

• Fagbrev (primært innan elektrofag)
• Ynskjeleg med 5-10 års erfaring (primært elektrofag)
• Driftsoperatørkurs eller anna praktisk erfaring innan drift og vedlikehald av vatn og avløpsanlegg er ein fordel
• Erfaring med bruk av digitale verktøy er nødvendig
• Gode samarbeidsevner, og evner til å arbeide sjølvstendig og effektivt
• Gode norskkunnskapar munnleg og skriftleg
• Førarkort klasse B (E)

 

Personlege eigenskapar

Personleg eignaheit vil bli vektlagt.

Om den som blir tilsett ikkje har godkjent utdanning som driftsoperatør, må vedkomande vera villig til å ta kurs for driftsoperatørar.

 

Me tilbyr

• Triveleg arbeidsmiljø, utfordrande og allsidige arbeidsoppgåver
• Løn etter avtale og arbeidsvilkår etter gjeldande lov og avtaleverk
• Gode pensjons- og forsikringsordningar
• Hjelp til å skaffe bustad ved behov
• Fleksibel arbeidstidsordning

 

Tyinvegen 5161, 2975 Vang i Valdres, Norge

 

 

Søk her

 

 

Kontaktinformasjon

Torstein Brekke-Dervola
Ingeniør vatn og avløp
 Telefon:91837898
E-post:[email protected]

Ingeborg Lunde
Kommunalsjef Landbruk og teknisk
 Telefon:+47 99230305
E-post:[email protected]

 

Vang kommune som arbeidsgjevar: 

• Ca 290 tilsette fordelt på kommunalområda: Helse og omsorg, Utdanning og kultur, Landbruk og teknisk, og Stab
• Den viktigaste ressursen me har er våre tilsette. I Vang kommune gjer me det me kan for at tilsette skal ha det bra på arbeid!

 

Å bu i Vang kommune: 

• Ei storstilt satsing på barn og unge!
• Ein kombinert barne – og ungdomsskule, med ca 200 elever. Nyrenovert med heilt ny fleirbrukshall med klatrevegg, basseng etc. Tolærarsystem, slik at det nesten alltid er to lærarar tilstades i klasserommet. Skulen nyttar Vang sin flotte natur mykje, både ved uteskule, faget FRI-NAT (friluftsliv og natur), og spanande utflukter. I Vang er SFO gratis for alle barn!
• Vang kommune har to barnehagar, Høre og Fredheim, begge har småbarns og storbarnsavdeling. I Vang er det løpande barnehageopptak (start når det passar dykk!) og frå august 2024 er månadsprisen per barn 1500 kr
• Helse og omsorgstenester av god kvalitet
• Vang kommune har personalbustadar til leige, med butid opptil 3 år
• Byggeklare tomter fleire stadar i kommunen, alle med fantastisk utsikt!
• I Vang finn du 2 solide kontorfellesskap, gjer som fleire andre og ta med deg arbeidet til Vang!
• Både i Vang og resten av Valdres finn du eit yrande kulturliv, der tradisjon står i høgsete,  med blant anna tradisjonsmat, tradisjonsmusikk, tradisjonshandtverk og aktiv stølsdrift. Vang kommune har også ein god kulturskule med stort utval av tradisjonelle og moderne aktivitetar
• I Vang står lag, foreiningar og idrett sterkt, her finn du aktivitetar for einkvar smak!
• Vang har ein storarta natur som innbyr til friluftsliv sommar som vinter, er du glad i turar, ski, jakt og fiske så er dette staden for deg!  Vang blir sagt å ha «vestlandsfjell med austlandsklima«, og er ei bygd med landbruk, grundarar, turisme og næringsliv i eit levande og inkluderande bygdesamfunn. I Vang finn du også store delar av Jotunheimen og ikkje minst festivalen Vinjerock
• I Vang har dei fleste kort avstand mellom arbeid, barnehage og skule. Her kan du leve eit så roleg eller så aktivt liv som du sjølv ynskjer, i ei distriktskommune med positiv folketalsutvikling
• Meir info om korleis det er å bu i Vang og kva som skjer i Vang finn du her på VangiValdres. Kontakt gjerne Innovangsjon direkte om du tenker på å flytte til Vang!
• Meir info om arbeids – og bumarkedet Valdres finn du på VelgValdres

 

 

Vang kommune er opptatt av mangfold og oppmodar kvalifiserte kandidatar til å søke uansett alder, kjønn, funksjonsevne eller kulturell bakgrunn. 

Me gjer merksam på at søkjarar kan få sitt namn gjort offentleg i søkjarlista, sjølv om det er bedt om konfidensiell behandling. Du som søkjar vil i tilfelle bli varsla på førehand om det.