Lærar i Teknologi- og industrifag

Dale vidaregåande skule ligg i Dale i Sunnfjord som er kommunesenteret i Fjaler kommune. Skulen tilbyr Studiespesialisering, Helse- og oppvekstfag, Helsearbeidarfag, Teknologi- og industrifag, Industriteknologi og Påbygging til generell studiekompetanse. I tillegg har vi vaksenopplæring innanfor helsearbeidarfaget, såkalla MFY (modulstrukturert fag- og yrkesopplæring). Dale vgs er ein stad der elevar og tilsette trivst i lag, miljøet er svært godt og stimulerer til utvikling og læring. Det er i dag 200 elevar og ca. 40 tilsette ved skulen. Visjonen vår er «Vilje til visdom og vennskap». Heimeside: www.dale.vgs.no

LÆRAR I TEKNOLOGI- OG INDUSTRIFAG

Søknadsfrist: 26.05.2026
Arbeidsgivar: Vestland fylkeskommune
Stillingstittel: Lærar i Teknologi- og industrifag
Stillingar: 1
Heiltid/Deltid: Heiltid
Tilsetjingsform: Fast
Stillingsprosent: 100

Arbeidsoppgåver

Undervisning i programfaga på vg1 Teknologi- og industrifag og på vg2 Industriteknologi. Opplæringa er både teoretisk og praktisk og lærar har ansvar for fagleg oppfølging, rettleiing og vurdering. Lærar utarbeider digitale arbeidsplanar og gir elevane høve til å lære og utvikle fagkunnskapar ut frå sine føresetnader. Vi legg vekt på nært samarbeid med næringslivet og lokale bedrifter. Det er også ei forventning om tett samarbeid i fagseksjonen. Kontaktlærarfunksjon vil vanlegvis bli lagt til stillinga.

Kvalifikasjonar

Relevant fagbrev og praksis frå arbeidslivet i botn. Fagskule eller anna utdanning innan teknologi- og industrifag er ønskjeleg. Viktig at du er interessert i CNC, automatisering, 3D-modellering og mekanisk arbeid. For å bli tilsett i fast undervisningsstilling må ein ha formell praktisk-pedagogisk utdanning eller vere villig til å skaffe seg det.

God skriftleg og munnleg framstillingsevne er ønskjeleg. Erfaring i bruk av IKT er ein fordel. Undervisningserfaring er ikkje eit krav.

Personlege eigenskapar

Vi ser etter ein stødig og utviklingsorientert lærar som har gode fagkunnskapar og som brenn for faget. Du må også ha evne til å knyte gode relasjonar til elevane og motivere dei for gode læringsøkter. Du må trivast med å arbeide i lag med ungdom og ha gode samarbeidsevener, samtidig som du er ansvarsbevisst og kan jobbe sjølvstendig på ein strukturert måte.

Vi tilbyr

• Eit aktivt og engasjerande fagmiljø.
• Stimulerande fellesskap med kollegaer.
• Gode høve til eiga læring og utvikling.
• Løn og lønsutvikling i tråd med tariffavtalen og Vestland fylkeskommune sin lønspolitikk.
• Fylkeskommunale tilsetjingsvilkår med gode pensjons- og forsikringsordningar.
• ‘Prøvetid på 6 månader.

Før tilsetjing må ein leggje fram politiattest.

Søk her

Kontaktinformasjon

Gro Fivelsdal
rektor
 Telefon:90149611

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista blir offentleggjort.

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.