Skafså Kraftverk ANS har levert fornybar energi til samfunnet sidan 1948 og produserer om lag 300 GWh i eit normal år. Energimarknaden er i rask ending og hjå oss får du spennande utfordringar som krev dedikasjon og gjennomføringsevne. Me ynskjer ein leiar med solid kompetanse innan vasskraft og energibransjen.

Bli med å skap kraft for framtida i hjartet av Telemark!

Arbeidsoppgåver som dagleg leiar i Skafså Kraftverk ANS:

• Sørge for berekraftig drift og vedlikehald av Skafså Kraftverk ANS.

• Leie, motivere og utvikle dine medarbeidarar

• Ansvar for økonomistyring, budsjettering og rapportering.

• På vegne av Skafså Kraftverk skal ein sørge for dagleg godt samarbeid med Vest-Telemark Kraftlag og Hydro om drifta av kraftverket.

• Samarbeide med lokale interessentar, myndigheiter og organisasjonar.

• Sikre høg sikkerheitsstandard og overhalding av forskrifter og miljøkrav.

• Leie daglege operasjonar og drift av Skafså Kraftverk ANS.

• Sikre at verksemda overheld gjeldande lover og forskrifter innanfor energibransjen. 

• Det kan tilleggas andre oppgåver som oppfølging av småkraftverk på vegne av andre. 

Kvalifikasjonar:

• Relevant utdanning på master eller bachelor nivå innan elektro, maskin eller bygg.

• Minimum 5 års erfaring frå leiing innan energibransjen,(ein eller fleire av produksjon, utvikling, bygging).

• God forståing av kraftproduksjon, vedlikehald og prosjektarbeid.

Eigenskapar:

• Gode leiarferdigheter og med eit tydeleg sikkerhetsfokus

• Operativ person med gode samarbeidseigenskapar.

• Strukturert, men likar variasjon i arbeidsdagen.

• Sterke analytiske ferdigheiter og evne til strategisk tenking.

• Evne å være med på å bygge eit konsernmiljø (på kryss av selskap og fagmiljø)

• Gode kommunikasjonsevner, både skriftleg og munnleg, på norsk og engelsk.

•  Sjølvstendig og sjøldrivande.

Me tilbyr:

• Ein sjølvstendig og leiande stilling i ein framtidsretta bransje

• Ein spennande og fagleg interessant stilling med varierte utfordingar.

• Høve til å jobbe i eit dedikert team med erfarne fagfolk som både driftar og utviklar ny kraftproduksjon.

• Konkurransedyktige vilkår og gode forsikrings- og pensjonsordningar.

Skafså Kraftverk ASN er oppteken av mangfald og oppfordrar alle kvalifiserte kandidatar til å søke.

Har du spørsmål så ta kontakt med: Dagleg leiar i VTK AS Hallgeir Aarbakk, mob. 91 63 83 45, e-post: Hallgeir.aarbakk@vtk.no

Søknadsfrist: 01.04.2026

Søknader blir handsama fortløpande.

Skafså Kraftverk (SK) er eigd av Vest-Telemark Kraftlag AS (67%) og Norsk Hydro Produksjon AS (33%). Selskapet driv 4 kraftstasjonar med tilhøyrande 10 dammar fordelt på 5 magasin i Tokke, Fyresdal og Kviteseid kommune i Vest-Telemark. Samla produksjon er ca 300 GWh pr år. Selskapet har eiga driftsavdeling plassert på Åmdals Verk i Tokke.