Vg1 Informasjonsteknologi og medieproduksjon
Teknologiforståing
Elevane lærer om datanettverk, medieteknologi og regelverk.
Konseptutvikling og programmering
Grunnleggande programmering, databasar, webdesign og dokumentering.

Vg2 Informasjonsteknologi
Brukarstøtte
Brukarstøtte, regelverk, feilsøking, KI og opplæring av brukarar.

Yrkesfagleg fordjupning Vg1/Vg2
Opplæring i jobbsøking, med mål om praksisplass og læreplass.
Følgje opp elevar i arbeidspraksis.
Knyta kontakt og følgja opp bedrifter med mål om bedriftsbesøk, praksis- og læreplass.
Ulike prosjekt . og oppfølging av elevar.

Du samarbeider med kollegaer og leiing i profesjonsfellesskapet, og med opplæringskontor og næringsliv om formidling av læreplass til elevane. 

Du held deg orientert om utviklinga i bransjen og i fag- og yrkesopplæringa.

Forskrift til opplæringslova § 12-8 skildrar krav for å bli tilsett i lærarstilling i programfag på yrkesfaglege utdanningsprogram i den vidaregåande opplæringa. Fylkeskommunen skal sørgje for at dei som skal tilsettast oppfyller eitt av desse krava:

a) Du har yrkesfaglærarutdanning. Du som har slik utdanning, kan tilsettast for å undervise i fag der du har minst 60 studiepoeng relevant utdanning.

b) Du har universitets- eller høgskoleutdanning som samla utgjer minst 180 studiepoeng, inklusive pedagogisk utdanning etter § 12-1. Du som har slik utdanning, kan tilsettast for å undervise i fag der du har minst 60 studiepoeng relevant utdanning.

c) Du har faglærarutdanning. Du som har slik utdanning, kan tilsettast for å undervise i fag der du har minst 60 studiepoeng relevant utdanning.

d) Du har fag- eller sveinebrev eller bestått anna yrkesfagleg vidaregåande opplæring. I tillegg må du ha to års yrkesteoretisk utdanning utover vidaregåande skolenivå og fire års yrkespraksis etter fullført vidaregåande opplæring. Slik bakgrunn kvalifiserer for tilsetting i fag som utdanninga eller bakgrunnen er relevant for. Det krevst også pedagogisk utdanning i samsvar med § 12-1.

e) Du har lærarutdanning med spesialpedagogisk utdanning tilsvarande minst 60 studiepoeng. Du som har slik utdanning, kan tilsettast for å gi individuelt tilrettelagd opplæring eller dersom det er ønskjeleg ut frå behova til elevane.

Dei som ved opptak til praktisk-pedagogisk utdanning for yrkesfag har fått godkjent kravet om to års relevant yrkesteoretisk utdanning på grunnlag av realkompetanse, oppfyller kravet om to års yrkesteoretisk utdanning utover vidaregåande skolenivå i første ledd bokstav d.

Dersom du manglar delar av utdanningskravet blir start- og sluttidspunkt av utdanninga avtalt med leiar.

 

Det er ynskjeleg med:
– praktisk erfaring med faga

Kompetanse knytt til å planleggja og drive virtuell og fysisk infrastruktur med segmenterte nettverk.
Kunnskap om programmering, HTML, CSS og databasar.
Kunnskap om faget yrkesfagleg fordjuping og kjennskap til bransjen og bedrifter som tilbyr tenester innan IT- og medieproduksjon.

Personlege eigenskapar – me ynskjer oss ein kollega som:
Er med å utvikla vårt utdanningsprogram.
Er med å utdanne framtidas “IT-folk”.
Likar å jobbe med ungdom, ser moglegheiter i alle, er god på å bygge relasjonar og har blikk for den einskilde eleven.
Er ein god rollemodell.
Er oppteken av å gjere undervisninga relevant og yrkesretta.
Trivst med å arbeide i team, er fleksibel og løysingsorientert.
Er strukturert og sjølvstendig.
Har evne til å skape eit trygt og godt læringsmiljø.
Har godt humør, endringsvilje og er arbeidsam.
Personlege eigenskapar vert vektlagt.
Halda deg fagleg oppdatert

Det vert lagt stor vekt på personlege eigenskapar ved tilsetting.

Du som skal tilsettast i vidaregåande skule må leggje fram godkjent politiattest.

• Eit aktivt og stimulerande fagmiljø.
• Gode høve til eiga læring og utvikling. 
• Løn og lønsutvikling i tråd med tariffavtalen og Vestland fylkeskommune sin lønspolitikk.
• Gode forsikrings- og pensjonsordningar.

Det er ynskjeleg at den tilsette kan starte i stillinga allereie ved skulestart.

 

 

Søk her