Ål kommune - Spesialpedagog, Ål ungdomsskule (søknadsfrist 19.05.2025)

Spesialpedagog

Vi ynskjer ein pedagog som

Har kunnskap om og erfaring med arbeid rundt elevar med nevroutviklingsforstyrringar.
Samarbeider godt med hjelpetenestene.
Er god på tilrettelegging på individnivå og systemnivå.
Har evne til å etablere gode relasjonar med elevar.
Har evne til å tenke kreativt og løysningsorientert.

Jobben som spesialpedagog på ungdomsskulen vil innebere arbeid med enkeltelevar med ulike diagnosar, samt tilrettelagt undervisning for enkeltelevar og mindre grupper.

Ål kommune har ein desentralisert skulestruktur med både små og litt større skular; Torpo skule, Skattebøl skule, Nordbygdene skule og Nedre-Ål skule. Frå 8. trinn blir alle elevane samla ved Ål ungdomsskule. Gjennom målretta arbeid med kompetanseutvikling og lokale handlingsplanar ynskjer kommunen å utvikle gode profesjonsfellesskap ved skulane våre.

Kvalifikasjonar

Ynskjeleg med kompetanse innan spesialpedagogikk og gjerne andre fag.
Godkjent undervisningskompetanse jf. opplæringslova § 17-4 og 17-5 og forskrift til opplæringslova kapittel 12, sjå særleg §§ 12-5 og 12-6.
Før opp i søknaden kva fag du har undervisningskompetanse innanfor.

Personlege eigenskapar

Personlege eigenskapar blir vektlagde. Vi søkjer deg som

Brenn for læraryrket og ynskjer å bidra til god læring for elevane.
Er tydeleg på klasseleiing og har evne til å skape gode relasjonar til barn, føresette og kollegaer.
Er positiv, fleksibel og løysingsorientert.
Har god digital kompetanse.
Ser på praktisk undervisning som ein god metode i undervisninga.
Ynskjer å delta i skulen sitt fellesskap, både fagleg og sosialt.
Har engasjement for elevane sitt læringsfellesskap.

Våre lærarar må ha god evne til munnleg og skriftleg framstilling. Ål kommune nyttar nynorsk som målform.

Vi tilbyr

Arbeidsplassar med gode og utviklande arbeidsmiljø.
Rettleiing i to år for nyutdanna lærarar.
Skule som er engasjert i pedagogisk utviklingsarbeid og kompetanseheving.
Lønn etter gjeldande tariffavtale.
Arbeidsforholdet er regulert av Hovudtariffavtala.

Søknad og politiattest

Vitnemål og attestar legg du inn saman med søknaden.
Den som vert tilsett må legge fram politiattest ikkje eldre enn tre månader.
Kommunen følgjer offentleglova § 25 ved eventuell offentleggjering av søkjarlista.

Ta gjerne kontakt med oss om du har spørsmål til stillinga!

Velkomen som søkjar!

Søk her

Fylke: Buskerud
Jobbtype: Vikariat
Heiltid/Deltid: Heiltid
Arbeidstid: Dag
Søknadsfrist: 19.05.2025
Tiltreding: 01.08.25
Arbeidsstad: Ål ungdomsskule

Kontaktpersonar:

Veronica Magnetun Wilhelmsen
tlf: 45811949

Heimeside:

www.aal.kommune.no

Adresse:

Sundrevegen 42, 3570 Ål

Ål kommune Ål ungdomsskule

Ål ungdomsskule er ein skule med omlag 170 elevar, fordelt i tre klassar på kvart trinn. Dette gir oss klassar som varierer frå 16 til 22 elevar, der 8.trinn er minst med klassar på 16 og 17 elevar. I faga norsk, engelsk og matematikk har me lagt opp til eit to-lærarsystem. Det vil seie at det alltid er to utdanna faglærarar inne i klassen desse timane, som saman planlegg, tilpassar og evaluerer undervisninga i faga. Blir du tilsett hos oss, vil mellom anna ei slik rolle som to-lærar vere ei av oppgåvene du kan få.

Skulen har omlag 40 tilsette dette skuleåret. Av desse er størsteparten lærarar, men me har også fagarbeidarar og miljørettleiarar med annan fagkompetanse som ein viktig del av laget vårt. I tillegg samarbeider me tett med Familiens hus på Ål, og har kvar dag helsesjukepleiar eller ungdomslos på skulen. Me er ein gjeng med god kjønnsbalanse, som med variert bakgrunn, alder, utdanning og interesser jobbar saman for eit inkluderande og kjekt arbeidsmiljø.

Ål ungdomsskule har i tillegg til dei ordinære klasseromma ei stor avdeling for kunst og handverk, me har eit godt skulekjøkken, naturfagsal, bibliotek, kantine og auditorium. Me har eit romsleg uteområde, ligg vegg i vegg med Ål idrettshall og med symjehallen på Nedre Ål skule. Alt i alt gir dette oss gode rammefaktorar for variert undervisning i alle fag.

Tilbake til søket Søk her

Elverum kommune – Psykolog – / psykologspesialist 100% fast stilling (Søknadsfrist 18.05.2025)

Elverum er en by i vekst i Hedmark, med cirka 21 900 innbyggere. I kommunen har vi i overkant av 1 800 ansatte, som hver dag yter sitt beste for å levere gode tjenester til samfunnet. Vår visjon er Elverum har hjerterom, og verdiene åpenhet, ærlig og respekt preger alt vi gjør.

Elverum ungdomsskole ligger rett nord for Elverum sentrum, på østsiden av Glomma. Skolen har en sentral beliggenhet til idrettsanlegg og friarealer. Vi har cirka 750 elever, fordelt på 8.–10. klasse og omtrent 160 ansatte, noe som gjør skolen vår til en av Norges største ungdomsskoler.

Tilbake til søket Søk her

Del stillingen