2.gongs utlysning – Lærarstillingar – skulane i Ål

Frå 1. august -25 er det ledig faste og mellombelse stillingar for lærarar ved 1-7. trinn og  lærarar ved 8-10. trinn. Utlysinga gjeld også for stillingar som blir ledige i løpet av våren. Før opp i søknaden kvar du ønskjer å jobbe dersom du har spesifikke ynskje om arbeidsstad.

Grunnskule

Vi søkjer lærarar som brenn for å utvikle spennande, innovativ og praksisnær undervisning i samarbeid med elevar og kollegaer i profesjonelle lærande fellesskap.  Vi treng lærarar som er gode på klasseleiing, relasjonsbygging og samarbeid, som har omsorg for elevane og skapar trygge gode klasse- og læringsmiljø der elevane trivst og lærer. 

Ved alle skulane i Ål kommune er det spesielt behov for lærarar med undervisningskompetanse i faga norsk, matematikk og engelsk.  Kompetanse og erfaring frå arbeid med barn med behov for tilrettelagt støtte er ønskeleg, i tillegg kompetanse innan norsk som andrespråk. Kontaktlærarfunksjon er aktuell for fleire av stillingane.

Skulane i Ål

Avdelingane i oppvekstsektoren har fokus på inkluderande praksis, styrkebasert tankesett, praksisnær læring og spesialundervisning, og gode rutinar for tverrfagleg samarbeid. 

Visjonen er at «alle som veks opp i Ål skal bli rotfaste og flygedyktige». Tett og tidleg på og auka læringsutbytte er sentrale mål. Barn og unge i Ål skal oppleve at teknologien blir brukt på ein sunn, trygg og kreativ måte for å lære, skape og utforske.

Ål kommune har ein desentralisert skulestruktur med både små og litt større skular; Torpo skule, Skattebøl skule, Nordbygdene skule og Nedre-Ål skule. Frå 8. trinn blir alle elevane samla ved Ål ungdomsskule. Gjennom målretta arbeid med kompetanseutvikling og lokale handlingsplanar ønskjer kommunen å utvikle gode profesjonsfellesskap ved skulane våre.

Kvalifikasjonar

• godkjent undervisningskompetanse jf. opplæringslova § 10-1 og 10-2 og forskrift til opplæringslova kapittel 14, sjå særleg §§ 14-1 til 14-3
• før opp i søknaden kva fag du har undervisningskompetanse innanfor

Personlege eigenskapar

Personlege eigenskapar blir vektlagde. Vi søkjer deg som:

• brenn for læraryrket og ønsker å bidra til god læring for elevane
• er tydeleg på klasseleiing og har evne til å skape gode relasjonar til barn, føresette og kollegaer
• er positiv, fleksibel og løysingsorientert
• har god digital kompetanse og evne til å vurdere når det er føremålstenleg for elevane å arbeide digitalt
• ser på leik som viktig og som ein god metode i undervisninga
• ønsker å delta i skulen sitt fellesskap, både fagleg og sosialt
• har engasjement for elevane sitt læringsfellesskap

Våre lærarar må ha god evne til munnleg og skriftleg framstilling. 
Ål kommune nyttar nynorsk som målform.

Vi tilbyr

• arbeidsplassar med gode og utviklande arbeidsmiljø
• rettleiing i to år for nyutdanna lærarar
• engasjerte og dyktige skuleleiarar
• skular som er engasjert i pedagogisk utviklingsarbeid og kompetanseheving
• to-lærarsystem ved fleire av skulane
• miljørettleiarar ved skulane
• lønn etter gjeldande tariffavtale
• arbeidsforholdet er regulert av Hovudtariffavtala

Politiattest og søknad

• vitnemål og attestar legg du inn saman med søknaden
• den som vert tilsett må legge fram politiattest ikkje eldre enn tre månader
• intervju og tilsetting kan skje fortløpande i søknadsperioden
• kommunen følgjer offentleglova § 25 ved eventuell offentleggjering av søkjarlista

Velkomen som søkjar!

Søk her

Fylke: Buskerud
Jobbtype: Fast
Heiltid/Deltid: Heiltid
Arbeidstid: Dag
Søknadsfrist: 18.03.2025
Tiltreding: 01.08.2025
Arbeidsstad: Ål kommune

Kontaktpersonar:

Sissel Skrindo
tlf: 99287896

Heimeside:

www.aal.kommune.no

Adresse:

Torget 1 3570 ÅL

Ål kommune Oppvekstsektoren

Ål kommune har ein desentralisert barnehage- og skulestruktur med både små og litt større skular og barnehagar. Frå 8. trinn blir alle elevane samla på Ål ungdomsskule. Gjennom målretta arbeid med kompetanseutvikling og lokale handlingsplanar, ynskjer kommunen å utvikle gode profesjonsfellesskap i barnehagane og skulane våre. «Betre læring» er vår lokale oppvekstplan og visjonen er «Alle som veks opp i Ål skal bli rotfaste og flygedyktige». Hovudmålsettinga «I eit inkluderande oppvekstmiljø der alle ser og blir sett, får kvar einskilld kraft til å meistre eigne liv» skal vere grunnleggande for drifta i sektoren.

Hallingdal er ein spennande møteplass mellom aust og vest, med eit rikt mangfald av arbeidsplassar og fritidstilbod. Dette er draumeplassen for deg som likar friluftsliv, kultur og eit kortreist og køfritt kvardagsliv. Her gjev naturopplevingar sommar og vinter, kulturopplevingar og eit stort tal arrangement grunnlaget for det gode liv!

Ål kommune vart kåra til både Årets kulturkommune og Årets nynorskkommune i 2021!