Vil du gjere ein skilnad?

Flyktningkonsulent/programrådgivar, 85 % fast stilling

Ål introsenter har ledig ei 85 % fast stilling som flyktningkonsulent/programrådgivar frå 1.8.25. Har du motivasjon og engasjement for å bidra til at flyktningar raskast mogleg vert sjølvstendige og aktive medborgarar som finn seg til rette i lokalsamfunnet vårt? Ønskjer du spennande og meiningsfylte arbeidsoppgåver innan eit viktig samfunnsområde?

Då kan dette vere jobben for deg. Vi søker ein trygg og engasjert medarbeidar som vil vere med å vidareutvikle arbeidet med busetting, etablering, kvalifisering og inkludering av flyktningar i kommunen vår.

Ål introsenter har ansvar for å etablere og følgje opp flyktningar i fem år etter busetting i kommunen, samt ansvar for opplæring i norsk og samfunnskunnskap for vaksne innvandrarar. I 2025 skal kommunen også busette einslege mindreårige flyktningar.

Ål introsenter held til på Ål kulturhus og er organisert i oppvekstsektoren.

Arbeidsoppgåver:

Tett oppfølging og rettleiing av flyktningar etter busetting, blant anna knytt til kvardagsliv i eit nytt land og hjelp med praktiske oppgåver.
Ansvar for å bygge opp tenester til einslege mindreårige flyktningar.
Planlegging og gjennomføring av introduksjonsprogrammet, til dømes undervisning i livsmeistring og tema knytt til fysisk og psykisk helse.
Oppfølging av deltakarar i introduksjonsprogrammet.
Oppfølging av barn og familiar.
Saksbehandling etter gjeldande lovverk.
Oppfølging av deltakarar i praksis.
Samarbeid med næringsliv, oppfølging av praksis- og arbeidsplassar.
Samarbeid med andre tenester i kommunen.

Andre aktuelle oppgåver.

Noko arbeid på ettermiddags-/kveldstid må påreknast.

Kvalifikasjonar

Sosialfagleg utdanning på bachelornivå
Erfaring med å jobbe med menneske, gjerne rettleiings- og motivasjonsarbeid
Erfaring med og interesse for arbeid med menneske frå ulike kulturar.
God kjennskap til norsk samfunnsliv, utdanningssystem og arbeidsliv, både lokalt og generelt
Bør ha førarkort og disponere bil

Vi ønskjer oss ein medarbeidar som:

Har engasjement for faget og brukargruppa.
Er positiv, fleksibel og løysningsorientert.
Kan jobbe sjølvstendig.
Har gode samarbeids- og kommunikasjonsevner.
Har evne til å motivere menneske i ulike livssituasjonar og møte dei med respekt.
Kan sette grenser i krevjande situasjonar.
Er motivert til å jobbe tverrfagleg og heilskapleg.
Personlege eigenskapar vert vektlagd.

Me kan tilby:

Spennande og meiningsfulle arbeidsoppgåver.
Eit hyggeleg og engasjert arbeidsmiljø.
Fleksibel arbeidstid.
Lønn etter avtale.
Pensjonsordning i KLP.

Politiattest og søknad:

Vitnemål og attestar legg du inn saman med søknaden.
Den som vert tilsett må legge fram politiattest ikkje eldre enn tre månader.
Intervju og tilsetting kan skje fortløpande i søknadsperioden.
Kommunen følgjer offentleglova § 25 ved eventuell offentleggjering av søkjarlista.

Velkomen som søkjar!

Søk på stillinga her.

Fylke: Buskerud

Jobbtype: Fast

Heiltid/Deltid: Deltid

Arbeidstid: Dag

Søknadsfrist: 15.04.2025

Tiltreding: 01.08.2025

Arbeidsstad: Ål introsenter

Kontaktpersonar:

Silje Marie Landsmann-Wiwe

mob: 91886642

Heimeside:

www.aal.kommune.no

Adresse:

Myren 40, 3570 Ål

Ål kommune Oppvekstsektoren

Ål kommune har ein desentralisert barnehage- og skulestruktur med både små og litt større skular og barnehagar. Frå 8. trinn blir alle elevane samla på Ål ungdomsskule. Gjennom målretta arbeid med kompetanseutvikling og lokale handlingsplanar, ynskjer kommunen å utvikle gode profesjonsfellesskap i barnehagane og skulane våre. «Betre læring» er vår lokale oppvekstplan og visjonen er «Alle som veks opp i Ål skal bli rotfaste og flygedyktige». Hovudmålsettinga «I eit inkluderande oppvekstmiljø der alle ser og blir sett, får kvar einskilld kraft til å meistre eigne liv» skal vere grunnleggande for drifta i sektoren.

Hallingdal er ein spennande møteplass mellom aust og vest, med eit rikt mangfald av arbeidsplassar og fritidstilbod. Dette er draumeplassen for deg som likar friluftsliv, kultur og eit kortreist og køfritt kvardagsliv. Her gjev naturopplevingar sommar og vinter, kulturopplevingar og eit stort tal arrangement grunnlaget for det gode liv!

Ål kommune vart kåra til både Årets kulturkommune og Årets nynorskkommune i 2021!