Lærar i økonomi

Dale vidaregåande skule ligg i Dale i Sunnfjord som er kommunesenteret i Fjaler kommune. Skulen tilbyr Studiespesialisering, Helse- og oppvekstfag, Helsearbeidarfag, Teknologi- og industrifag, Industriteknologi og Påbygging til generell studiekompetanse. I tillegg har vi tilbod om modulstrukturert vaksenopplæring innanfor helsearbeidarfaget. Dale vgs er ein stad der elevar og tilsette trivst i lag, miljøet er svært godt og stimulerer til utvikling og læring. Det er i dag ca. 200 elevar og ca. 35 tilsette ved skulen. Visjonen vår er «Vilje til visdom og vennskap». Heimeside: www.dale.vgs.no

LEDIG UNDERVISNINGSSTILLING I ØKONOMI (og matematikk) – VIKARIAT

Søknadsfrist: 27.10.2026
Arbeidsgivar: Vestland fylkeskommune
Stillingstittel: Lærar i økonomi
Stillingar: 1
Heiltid/Deltid: Deltid
Tilsetjingsform: Vikar
Stillingsprosent: 56
Webcruiter-ID: 5189653332
Sluttdato: 31.01.2028

Arbeidsoppgåver

Undervisning på studiespesialiserande i faga Økonomistyring (vg2) og Økonomi og leiing (vg3). Det inneber opplæring etter læreplanen, med tett oppfølging av elevane. Lærar utarbeider digitale arbeidsplanar og har ansvar for vurdering av elevarbeid.

For inneverande skuleår kan vikariatet utvidast til ca. 70% om ein kan undervise i matematikk vg1 yrkesfag i tillegg til økonomifaga.

Kvalifikasjonar

• Utdanning i økonomi på høgskulenivå.
• Praktisk pedagogisk utdanning (PPU) er ønskjeleg, men det er ikkje eit krav sidan dette er eit vikariat.
• Gode kunnskapar i munnleg norsk.
• Stødig bruk av nynorsk skriftleg.
• Ønskjeleg med god digital kompetanse.

Politiattest og originale vitnemål/attestar må framleggast.

Personlege eigenskapar

Vi søkjer ein engasjert og fagleg dyktig lærar som er strukturert, sjølvstendig og ansvarsbevisst. Du må like å arbeide med ungdom og ha evne til å motivere og engasjere elevar til gode læringsøkter. Du må vere utviklingsorientert, ha gode samarbeidsevner og vere interessert i år byggje gode relasjonar. Du jobbar også i tråd med skulen og fylkeskommunen sine mål og strategiar.

Vi tilbyr

Hos oss får du:

gode moglegheiter for fagleg utvikling
eit inkluderande og spennande arbeidsmiljø
løn etter offentleg regulativ i samsvar med utdanning og praksis
gode fylkeskommunale pensjons- og forsikringsordningar

Søk her

Kontaktinformasjon

Gro Fivelsdal
rektor
Telefon:90149611

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista blir offentleggjort.

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.