Diakon Borgund og Ellingsøy sokn 100%

Ålesund kyrkjelege fellesråd

Borgundvegen 124, 6007 Ålesund

Stillingstittel Diakon Borgund og Ellingsøy sokn 100%

Type ansettelse Fast, heltid 100%

Arbeidsspråk Norsk

Antall stillinger 1

Arbeidssted Hybridkontor

Søk på jobben

Søk senest tirsdag 7. april

Gå til søknad

Borgund sokn og Ellingsøy sokn ligg sentralt plassert i Ålesund kommune. Ålesund er den største byen mellom Bergen og Trondheim og folketalet i kommunen er på omlag 56 000 innbyggjarar. Byen har eit godt utbygd skuletilbod og har Universitet (NTNU), fleire grunnskular, to vidaregåande skular, to folkehøgskular og to private kristne ungdomsskular. I kommunen ligg Ålesund sjukehus. Vigra lufthamn som ligg ca 20 minutt unna både Borgund og Ellingsøy, har flysamband til resten av Norge og til utlandet.

Borgund sokn har ca. 5.200 medlemmar. Borgund kyrkje ligg vakkert til i eit populært friluftsområde nær Sunnmøre Museum. Kyrkjelydshus med kontorlokale og eigen barnehage, ligg like ved kyrkja. Kyrkjelyden har dagleg leiar, sokneprest, kantor, kyrkjetenar, diakon, kateket/ungdomsprest, og kyrkjelydspedagog.

Ellingsøy sokn har ca. 2.000 medlemmer. Ellingsøy kyrkje ligg landleg plassert ved sjøen og er ei moderne arbeidskyrkje med forsamlingslokale og kontor for tilsette i bygget. Kyrkjelyden har sokneprest, kantor, kyrkjetenar, dagleg leiar, diakon, kyrkjelydspedagog og kateket/ungdomsprest.

Sokna har felles dagleg leiar, diakon, kyrkjelydspedagog og kateket/ungdomsprest.

Stillinga er fordelt Borgund sokn / Ellingsøy sokn med 75% / 25%.

Stillinga er ledig frå 1. september.

Meir informasjon om kyrkjelydane finn du på heimesidene våre:
www.ellingsoy.kyrkjelyd.no og www.borgund.menighet.no

Vår noverande diakon går av med pensjon og vi søkjer no hennar etterfølgjar.
Diakoniarbeidet spenner vidt og involverer mange frivillige medarbeidarar. I samband med tilsetting av ny diakon vil vi vurdere kva arbeidsoppgåver vi ønskjer å føre vidare, samtidig som det vil vere mogeleg å gjere endringar og nye prioriteringar i samsvar med interesser og ressursar til den som blir tilsett i stillinga. Den nye diakonen vil få høve til å vere med og drøfte kva som skal prioriterast.

Arbeidsoppgåver

Det er utarbeida diakoniplan for kyrkjelydane og godt samarbeid med sokneråda om utvikling av diakonalt arbeid er viktig.
Den som vert tilsett skal sørge for organisering, leiing og vidareutvikling av kyrkjelydane sitt diakonale arbeid blant alle aldersgrupper i samarbeid med andre tilsette og frivillige.
Oppfølging og rekruttering av frivillige er ein viktig del av diakonen sine arbeidsoppgåver.
Diakonen deltek med ulike tenester i gudstenester, etter ein oppsett plan.
Sorggrupper og oppfølging av pårørande ved dødsfall. Sorggruppene er i samarbeid med andre kyrkjelydar i Ålesund.
Administrasjon av andakter på to aldersbustader i sokna.
Fellesskapsbyggande arbeid som bla kyrkjelydsdag og medarbeidarfest og arbeid blant unge.
Det må påreknas kvelds- og helgearbeid.

Kvalifikasjonar

Formelle kvalifikasjonar i samsvar med tenesteordning for diakonar. Dersom det ikkje melder seg kvalifiserte søkarar til stillinga kan tilsetting som diakonimedarbeidar bli vurdert.
Kunne samarbeide, organisere og koordinere oppgåver, også i forhold til frivillige.
Kunne jobbe sjølvstendig og strukturert.
Ha god sosial kompetanse og kunne jobbe med menneskjer i ulike aldra og livssituasjonar.

Anna

Krav om barneomsorgsattest (politiattest), jfr Lov om tros- og Livssynssamfunn § 20
Søkjar må disponere eigen bil.
Personlege eigenskapar vil bli vektlagt.

Vi tilbyr

Hyggelege kollegar i ein stab som har fokus på eit godt og sosialt arbeidsmiljø.
Spennande og varierte arbeidsoppgåver og gode moglegheiter for fagleg utvikling.
Eit engasjert sokneråd dei tilsette kan samarbeide med.
Ordna lønns- og arbeidsforhold, pliktig medlemskap i KLP.
Bedriftshelseteneste og ulykkes- og gruppelivsforsikring

For meir informasjon om stillinga kontakt dagleg leiar Kristin Smehus, tlf. 945 32 479 / 70 16 53 00 / kristin.smehus@kyrkja.alesund.no

Arbeidssted

Borgundvegen 124
6007 Ålesund

Nøkkelinformasjon:

Arbeidsgiver: Ålesund kyrkjelege fellesråd

Referansenr.: 5096777966

Stillingsprosent: 100% Fast

Søknadsfrist: 07.04.2026

Etter kommunesamanslåing frå 1.1.2020 har Ålesund 65 000 innbyggarar. Ålesund kyrkjelege fellesråd har arbeidsgivaransvar for meir enn 70 tilsette i sokna, på kyrkjegardane og i fellesrådets administrasjon. Fellesrådet har forvaltningsansvar for 16 kyrkjer og 24 kyrkjegarder, i tillegg til eit krematorium, gravkapell og ei rekke driftsbygningar. Drifts- og investeringsbudsjettet i 2020 er på over 90 millionar kroner.

kyrkja.alesund.no/Kontakt