Fagarbeidar Kommunalteknikk

Ørsta kommune har ledig to 100 % stillingar som fagarbeidar for avdeling kommunalteknikk med hovudoppgåver innanfor vatn og avløp.

Teknisk drift og eigedom er eit tenesteområde organisert med ansvar for kommunal bygningsmasse, reinhald og tenesteyting innanfor park og kyrkjegard, veg, vatn og avløp. Avdeling kommunalteknikk har ansvar for tenesteyting innanfor park og kyrkjegard, kommunale vegar, vatn og avløp.

Vi har fokus på eit godt arbeidsmiljø som skal gi oss betre og meir effektiv tenesteproduksjon. Ørsta kommune er inne i ei aktiv utvikling, med mange oppgåver som må løysast i åra som kjem. Digitale verktøy er eit satsingsområde for å gjere meir for litt mindre.

Arbeidet vårt byggjer på kommunen sine verdiar, og du forpliktar deg til å jobbe i samsvar med desse:
Tillit – gjennom gjensidig respekt, forståing og likeverd
Energi – gjennom entusiasme, inkludering og humor og glede
Løysingsvilje – gjennom lagånd, tydelege mål og meiningsfylte oppgåver
Utvikling – gjennom medverknad, tilbakemelding og verdsetjing av kunnskap

Nøkkelinformasjon

Søknadsfrist: 03.10.2025
Arbeidsgivar: Ørsta kommune
Stad: Ørsta
Stillingstittel: Fagarbeidar – Avdeling kommunalteknikk
Stillingar: 2
Heiltid / Deltid: Heiltid
Tilsetjingsform: Fast
Stillingsprosent: 100
Webcruiter-ID: 5013254259
Startdato: 15.10.2025

Arbeidsoppgåver

Anleggsarbeid på leidningsnett for vatn og avløp, både større og mindre jobbar
Utbetring av vasslekkasjer og anna hastearbeid på ledningsnett må påreknast
Søkjar må rekne med å kunne bli sett til andre kommunaltekniske oppgåver der dette er naudsynt
Vaktordning for kommunal snøbrøyting er ein del av stillinga, enten fast på rode eller som vikar/reserve
For rett kandidat kan det bli aktuelt å tilby deltaking i Ørsta brann og redning

Kvalifikasjonar

Vi søkjer ein person med relevant erfaring innanfor grunnarbeid med fokus på bygging av leidningsnett for vatn og avløp
Fagbrev som anleggsrøyrleggar er ønskjeleg
Arbeidserfaring kan erstatte relevant fagbrev
Krav om førarkort klasse B. Ønskjeleg med førarkort klasse BE og/eller C.
Ønskjeleg med godkjend maskinførarbevis M2/M4
Ønskjeleg at søkjar har ADK-kurs
Søkjar må være villig til å ta ulike kurs som arbeidsgjevar fortløpande finn naudsynt for stillinga

Personlege eigenskapar

Vi ynskjer at du:

Har interesser for det kommunaltekniske faget
Har god munnleg og skriftleg framstillingsevne
Kan arbeide sjølvstendig, men samtidig har gode evner til samarbeid
Har positive haldningar
Er sjølvstendig og løysningsorientert
Er strukturert og fleksibel i høve arbeidsoppgåver
Vi gjer ei heilskapleg vurdering av søkjarane og personlege eigenskapar vert vektlagde. Referansar vert nytta og aktuelle søkjarar kan verte kalla inn til intervju. I enkelte tilfelle vil det bli nytta gruppeintervju.

Vi tilbyr

Eit godt arbeidsmiljø
Gode vilkår for fleksibilitet og utvikling med formål om å gi ei betre og meir effektiv teneste
Utfordrande og spennande arbeidsoppgåver
Gode forsikrings- og pensjonsvilkår:
Ørsta kommune har gode forsikringsordningar i KLP for sine tilsette, som også inkluderer frivillig ulykkesforsikring på fritida.

Som tilsett i Ørsta kommune får du del i ei av Noreg sine sikraste pensjonsordningar: Offentleg tenestepensjon. Der dei fleste tenestepensjonar berre vert utbetalt i 10 år, er offentleg tenestepensjon ei utbetaling som varer frå den dagen du sluttar å jobbe og livet ut. Pensjonen inkluderer også uføre- og etterlattepensjon om noko uventa skulle skje.

Arbeidsvilkår:

Stillinga er plassert i kap. 4 i HTA ut i frå formell kompetanse.
Lønsplassering og stillingskode vert fastsett ved tilsetjing.
Tilsetting elles i samsvar med gjeldande lov- og regelverk.

Prøvetid

Prøvetid i faste stillingar er 6 mnd. I lengre vikariat er det høvesvis. Fråvær går til fråtrekk. Tilsetting skjer elles på dei vilkår og med dei rettar som går fram av gjeldande tariffavtalar og kommunale reglement. Kommunen har pensjons- og forsikringsordning for sine tilsette i KLP.

Intern søkjar

Dersom du ynskjer å bli vurdert ut frå kriterium for intern fortrinnsrett til stillinga, hakar du av på omsyn – intern søkjar. Dette gjeld berre for tilsette i Ørsta kommune som er ufrivillig deltids tilsett, har jobba i kommunen i til saman 12 månadar dei siste 2 åra, eller har andre faktorar knytt til lov- og avtaleverk som kan gi grunnlag for fortrinnsrett. jf. AML §14.

Dokumentasjon

Vitnemål/lenke til vitnemålsportalen og attestar frå tidlegare arbeidsforhold skal lastast opp i Webcruiter. Originale/bekrefta kopiar skal takast med til intervju. Vitnemål og attestar dannar grunnlaget for fastsetjing av ansiennitet og rett løn. Vi ber difor at du sender inn dokumentasjon på alle tidlegare arbeidsforhold. Attesten må innehalde dato frå-til, samt stillingsstørrelse eller antal timar.

Om offentleglova

Når du søker jobb hos oss, vil namnet ditt stå på ei offentleg søkarliste, i samsvar med offentleglova §25. Ønsker du å at namnet ditt skal vere unnateke frå den offentlege søkarlista, må du grunngje dette i søknadsskjemaet. Dersom kommunen meiner at det ikkje er grunnlag for fritak, vil du få beskjed og få tilbod om å trekkje søknaden før endeleg søkjarliste vert laga.

Søk på stillingen her.

Adresse: Ørsta kommune, Dalevegen 6, 6153 Ørsta, Norge

Kontaktinformasjon

Ulf Kristian Rognstad, Tenesteleiar teknisk, drift og eigedom
Telefon:  95 15 52 75
E-post:  [email protected]

Malvin Fremmerlid, Avd.leiar kommunalteknikk
Telefon:   951 15 737
E-post:  [email protected]

Ørsta kommune er med om lag 11 000 innbyggjarar ei av dei største kommunane i Møre og Romsdal. Kommunen har ein variert arbeidsmarknad og næringsliv. Den gode geografiske plasseringa vår i lina mellom Eiksundsambandet og Kvivsvegen gjev også kort veg til anna næringsliv i regionen Søre Sunnmøre/Nordfjord, og til utdanningstilbod i Ørsta og Volda. Kommunen har gode kommunikasjonar. Flyplassen har fleire daglege direkteruter til Oslo og Bergen.

Arbeidet vårt byggjer på kommunen sine verdiar:
Tillit – gjennom gjensidig respekt, forståing og likeverd
Energi – gjennom entusiasme, inkludering og humor og glede
Løysingsvilje – gjennom lagånd, tydelege mål og meiningsfylte oppgåver

Utvikling – gjennom medverknad, tilbakemelding og verdsetjing av kunnskap

Heiltidskultur og inkludering
Ørsta kommune arbeider for å skape ein heiltidskultur, der heile stillingar er det naturlege. Kvalitet på tenestene, kontinuitet og tryggleik skal stå i sentrum. Som tilsett er du ein viktig medspelar i kommunen sine utviklingsarbeid.

Ørsta kommune skal i størst mogleg grad avspegle mangfaldet i befolkninga. Vi oppfordrar kvalifiserte kandidatar til å søke uansett alder, kjønn, funksjonsnedsetting, kulturell bakgrunn eller hol i CV `en. Tilsettinga skjer elles på dei vilkår og med dei plikter som følgjer av lov, tariffavtaler og reglement.