80% vikariat som musikklærar ved Jondal skule og kulturskole

 

 

Ledig vikariat 80% som musikklærar ved Jondal skule og kulturskule 1.1.25 – 16.04.25

 

Jondal skule er ein 1.-10. skule i Ullensvang kommune. Skulen har 137 elevar, og ca 30 tilsette i alle aldrar. Me ligg fint til i sentrum av bygda Jondal, i nær tilknyting til både barnehage og kulturskule. Skulen er nyleg rehabilitert, og har fått fleire nybygg.

Ullensvang kulturskule, avd. Jondal, er samlokalisert med Jondal skule. Avdelinga i Jondal har ca. 75 elevar der fleire av elevane deltek på fleire aktivitetar i kulturskulen. Kulturskulen har gode undervisningslokale i sambruk med musikkavdelinga i grunnskulen.

Me søkjer etter musikklærar som kan jobba både på skule (30%) og kulturskule (50%). I skule har lærar ansvar for musikkundervisninga i 5.-9. klasse. I kulturskulen har lærar ansvar for instruksjon i hovudsakleg bandinstrument (gitar, bass og slagverk). Det blir gitt undervisning individuelt og i grupper.

Stillinga kan søkjast på samla, eller ein kan søkje på stilling knytt til den eine verksemda.

 

Kvalifikasjonar:

• godkjent undervisningskompetanse i musikk
• erfaring som lærar
• gode digitale ferdigheiter
• personlege eigenskapar vil bli vektlagt

 

Personlege eigenskapar:

• er ein god klasseleiar
• har god relasjonskompetanse
• har god formidlingsevne
• samarbeidar godt i lærande fellesskap
• er lojal og ansvarsfull mot skulen og kulturskulen sitt formål
• er løysingsorientert og fleksibel

 

Me tilbyr:

• eit godt arbeidsmiljø
• eit godt pedagogisk utviklingsmiljø
• lønn etter avtaleverk
• hjelp til å finna bustad
• varierte arbeidsoppgåver
• spennande arbeid
• lønn etter hovudtariffavtalen
• gode moglegheiter for kompetanseheving med støtte frå kommunen
• Ullensvang kommune har inkluderande arbeidsliv (IA), fleksibel arbeidstid og gode permisjons- og pensjonsvilkår.

 

Krav:

• politiattest

 

Til orientering om Offentleglova:

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.
For å gjera unntak må kommunen ha heimel i lova og vurdera konkret i kvar sak kva som er grunnen til unntaket.
I følgje offentleglova § 25 vert det stilt følgjande krav for å få unntak:
“Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

 

Arbeidsavtalar i Ullensvang kommune:

Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/ 

 

 

Søk her

 

 

Fylke: Vestland
Jobbtype: Vikariat
Heiltid/Deltid: Heiltid
Arbeidstid: Dag
Søknadsfrist: 29.11.2024
Arbeidsstad: Jondal

 

Kontaktpersonar:

Sarah Marie Røstbø

mob: +47 95122615

 

Heimeside:

ullensvang.kommune.no

 

Adresse:

Opheimsgata 31 5750 Odda

 

Ullensvang kommune Jondal skule

– ein ny, livskraftig og attraktiv kommune i Hardanger.

Ullensvang kommune er ein attraktiv stad å bu, arbeida og starta næringsverksemd! Vi kan tilby spennande og meiningsfulle arbeidsoppgåver i ein kommune som er i utvikling. Her finn du fjord, fjell, fonn, frukt, landbruk, havbruk og verdsleiande industri i ein og same kommune. Kommunen har omlag 11 100 innbyggjarar, der Odda er administrasjonssenter i kommunen omkransa av sterke bygder.

Oppdraget vårt er å levera gode tenestar, vera ein god samfunnsutviklar og arbeide for vidare vekst og utvikling i kommunen. Gjennom motiverte og dyktige medarbeidarar løyser vi dette viktige samfunnsoppdraget, og ynskjer å ha fleire med på laget.

Vi ønsker medarbeidarar med ulik bakgrunn, fagkombinasjonar, kompetanse, livserfaring og perspektiv. Det gir oss eit mangfaldig arbeidsmiljø som set oss betre i stand til å løysa oppgåvene. I Ullensvang kommune er vi opptekne av mangfald og inkludering, det er viktig for oss å ha ein arbeidsstyrke som representerer befolkninga. Vi oppmodar alle som er kvalifisert til å søkja, uavhengig av alder, kjønn og kjønnsidentitet, funksjonsevne, livssyn eller etnisk bakgrunn. Vi legg til rette arbeidsplassen ved behov.

Tar du utfordringa ?

Lenkjetekst: Tilgjengelegheitserklæring for nettsidsa

Lenkje: https://uustatus.no/nn/erklaringer/publisert/bac52677-0999-4760-90dd-d3d03abdaf49