Sjukeheimen har 14 sengeplassar og eit godt tverrfagleg samarbeid med kjøkken, heimesjukepleie, fysio- og ergoterapeut med fleire. Etter at me har lagt om turnus med overgang til langvakter på helg er me no på jakt etter 2 nye medarbeidarar. Som tilsett hos oss blir du ein del av eit miljø med høgt fagleg nivå. Du vil få høve til å ta del i spennande prosjekt og fagleg utvikling!

Stillingane vil ha storleik frå 60-80% og kan tilpassast etter dine ynskjer og behov.

Oppgåver

·         Helsefagleg yrkesutøving i form av stell, utgreiing, pleie og omsorg, samt rettleiing i
          hjelp til sjølvhjelp overfor brukar/pasient.

·         Administrering av medikament i samsvar med delegasjon.

·         Rettleiing- og opplæringsansvar overfor medarbeidarar/elevar

 Ynskja kvalifikasjonar og eigenskapar

·         Du er autorisert helsefagarbeidar eller under utdanning.

·         Du har gode norskkunnskapar, munnleg og skriftleg, minimum tilsvarande nivå B2.

·         Du er ansvarsbevisst, sjølvstendig og har evne til å ta avgjerder basert på fagleg kompetanse.

·         Du er fleksibel og serviceinnstilt, med god evne til samarbeid og kommunikasjon.

·         Du jobbar effektivt, strukturert, og bidreg til eit godt arbeidsmiljø.

·         Søkjarar må kunne leggje fram politiattest etter helse- og omsorgstenestelova § 5-4

Me kan tilby

·         Løn etter gjeldande tariff og lokale føringar

·         Ein arbeidsplass med stor variasjon og mange dyktige kollegaer

·         Ein triveleg arbeidsplass i ei flott bygd

·         Gode pensjons- og forsikringsordningar

Om arbeidsgjevar

Helse og velferd i Ulvik herad er ei eining med om lag 45 årsverk og har eit tenestetilbod som omfattar sjukeheim, institusjonskjøkken, heimesjukepleie, fastlegelegekontor med daglegevakt, skulehelseteneste og helsestasjon, heimehjelp, fysioterapi, ergoterapi, psykisk helse og rus, sosialtenester, og flyktningtenester. Eininga har godt samarbeid med kringliggande kommunar i Voss lokalsjukehusområde. Ulvik herad jobbar for tida med etablering av eige barnevernstenester og PPT i ei ny barne- og familieeining.

Me har lokalar i Ulvik sentrum og på Ulvik Omsorgstun som var nytt i 2020. Som tilsett hos oss vert du del av eit arbeidsmiljø med flotte folk og stort mangfald i bakgrunn, utdanning og erfaring.

Om Ulvik

Idyllisk plassert inst i Hardangerfjorden finn du Perla i Hardanger, Ulvik.

Spektakulær natur frå fjord til fjell og bre inviterer til friluftsliv heile året. Me har aktive kultur- og idrettsmiljø, idrettshall, svømmehall, og langrennsarena med lysløype. Konsertar og festivalar, frukt og siderproduksjon, poesi og sogelag står for eit mangfald av dei sjeldne .

Meir informasjon finn du på Ulvik kommune og VisitUlvik

 Søk digitalt her  Merk med saksnr. 24/1506

Ved spørsmål, kontakt:

Caroline Fleten, tlf 4007184
Avdelingsleiar Ulvik Omsorgstun
caroline.fleten@ulvik.kommune.no