100% vikariat som lærar ved Opedal skule

 

 

Opedal skule:

Opedal skule er ein 1.-7. skule i Ullensvang kommune. Skulen har 118 elevar og 21 tilsette. Me ligg fint til i bygda Lofthus, i nær tilknyting til både fjell og fjord.

Skulen arbeider systematisk med verdiar. Verdiane er utarbeidd i eit samarbeid mellom tilsette, foreldre og elevane våre. Verdiarbeidet skal omfatta all aktivitet ved skulen, både det psykososiale miljøet og læringsaktiviteten.

Det pedagogiske arbeidet til skulen er knytt til Læringssirkelen. Alle tilsette får opplæring i dette arbeidet.

Skulen har fokus på implementering av ny læreplan, og utviklingsområdet vårt det komande skuleåret er eit godt psykososialt miljø med vekt på livsmeistring.

 

Ledige stillingar for skuleåret 2024-25:

– Undervisningsstilling- 100% vikariat frå 01.08.2024

 

Kvalifikasjonar

● godkjent undervisningskompetanse

● helst kontaktlærarerfaring

 

Personlege eigenskapar

● er ein god klasseleiar

● har god relasjonskompetanse

● har god formidlingsevne

● samarbeider godt i lærande fellesskap

● er lojal og ansvarsfull mot skulen sitt formål

● er løysingsorientert og fleksibel

 

Me tilbyr

● eit godt arbeidsmiljø

● eit godt pedagogisk utviklingsmiljø

● løn etter avtaleverk

● hjelp til å finna bustad

 

 

Søk her

 

 

Fylke: Vestland
Jobbtype: Vikariat
Heiltid/Deltid: Heiltid
Arbeidstid: Dag
Søknadsfrist: 20.05.2024
Arbeidsstad: Lofthus

 

Kontaktpersonar:

Helga Opedal

mob: +47 95237206

 

Heimeside:

ullensvang.kommune.no

 

Adresse:

Opheimsgata 31 5750 Odda

 

Ullensvang kommune Opedal skule

– ein ny, livskraftig og attraktiv kommune i Hardanger.

Ullensvang kommune er ein attraktiv stad å bu, arbeida og starta næringsverksemd! Vi kan tilby spennande og meiningsfulle arbeidsoppgåver i ein kommune som er i utvikling. Her finn du fjord, fjell, fonn, frukt, landbruk, havbruk og verdsleiande industri i ein og same kommune. Kommunen har omlag 11 100 innbyggjarar, der Odda er administrasjonssenter i kommunen omkransa av sterke bygder.

Oppdraget vårt er å levera gode tenestar, vera ein god samfunnsutviklar og arbeide for vidare vekst og utvikling i kommunen. Gjennom motiverte og dyktige medarbeidarar løyser vi dette viktige samfunnsoppdraget, og ynskjer å ha fleire med på laget.
Tar du utfordringa ?

Lenkjetekst
Tilgjengelegheitserklæring for nettsidsa

Lenkje
https://uustatus.no/nn/erklaringer/publisert/bac52677-0999-4760-90dd-d3d03abdaf49