Avdelingsleiar korttidsavdeling (Gjestetunet) – med blikk for framtidig utvikling og samarbeid

Avdeling Gjestetunet er ei aktiv korttidsavdeling som tilbyr tilrettelagt og individuell oppfølging av pasientar innan behandling, rehabilitering, palliasjon, demens, geriatri og psykisk helse. Avdelinga har 16 sengeplassar, 12,6 årsverk og god fagleg kompetanse. Avdelingsleiar leiar også kommunen si natteneste med 9 årsverk. Avdelinga har eigen sjukeheimslege på heiltid og fokus på tverrfagleg samarbeid.

Stillinga passar for deg som ser moglegheiter, brenn for innovasjon, nytenking og ønskjer å utvikle tenester i samsvar med behova. Du sikrar god tverrfagleg samhandling og har ansvar for at kvalitet og fag er i fokus. Som leiar hjå oss får du tillit og støtte -, samtidig som du har dagleg kontakt med dei tilsette, pasientar, pårørande og andre samarbeidspartar.

For å står rusta for å møte nye utfordring å krav ønskjer me å styrke samhandling mellom kort-, langtidsavdelinga og heimetenesta. Me ser etter ein avdelingsleiar som er klar til å ta del i dette spanande utviklingsarbeidet.

Som avdelingsleiar vil du ha personal-, administrativt og økonomisk ansvar i lag med assisterande avdelingsleiar.

Dine viktigaste arbeidsoppgåver:

• personal-, fag- og økonomiansvar for korttidsavdelinga, å legge til rette for samt motivere for utvikling av kvalitet, effektiv drift og eit godt fag- og arbeidsmiljø.
• aktivt bidra i strategisk utviklingsarbeid med tanke på framtidige behov
• implementere nye tiltak og løysingar for å styrke pasientforløp, pårørandearbeid og sikre heilskaplege tenester
• styrke samarbeidet på tvers av avdelingar og andre aktørar i helsetenestene
• følgje opp bruken av verktøy og system for å oppretthalde god struktur og effektivitet i arbeidsdagen

Avdelingsleiar inngår i leiargruppa til kommunalsjefen. Institusjonstenesta er i stadig utvikling, det kan bli  endring i organisering og  endringar i arbeidsoppgåver.

 Vi ser etter deg som:

• har relevant høgskole- eller universitetsutdanning, innan leiing, økonomi og/eller helsefag. Andre med relevant utdanning og arbeidserfaring kan bli vurdert
• har strategisk blikk, er innovativ og evne til å utvikle framtidsretta løysingar.
• er en tydelig og inkluderende leder med evne til å motivere og engasjere tilsette
• har god økonomisk forståing og evne til å sikre effektiv ressursbruk.
• har gode samarbeids- og kommunikasjonsevner og evner å skape gode relasjonar tillit
• har erfaring frå liknande leiarroller
• har kjennskap til relevant lovverk og saksbehandlarkompetanse
• er raus, påliteleg, lojal og som kan skape humør og arbeidsglede
• er god på planlegging og ha gjennomføringsevne på kort og langsiktige utfordringar / mål
• har evne å arbeide strukturert, sjølvstendig og løysningsorientert, også under press
• har evne til omstilling/fleksibilitet
• har god norsk skriftleg og munnleg framstillingsevne

 Personlege eigenskapar blir tillagt stor vekt.

Me tilbyr:

• ein framtidsretta leiarstilling som gir rom for nytenking og innovasjon
• eit solid og sterkt fagmiljø med gode utviklingsmoglegheiter
• hyggelege kollegaer og eit arbeidsmiljø med engasjerte og dyktige medarbeidarar
• stor tillit, ansvar og nødvendig mynde
• leiar- og resultatavtale som følger stillinga med tydelege forventningar til deg
• kompetanse og leiarutvikling
• du vil få vere ein del av ei engasjert leiargruppe der du kan vere med på å forme eigen arbeidsplass
• tilrettelagde og moderne lokalar

Lønsvilkår

• Lønn etter gjeldande tariffavtale. Arbeidsforholdet er regulert av Hovudtariffavtala.
• Pensjonsordning i KLP.

 Søknad og politiattest

• Vitnemål og attester legg du inn saman med søknaden. Den som vert tilsett må legge fram politiattest ikkje eldre enn tre månader.
• Intervju og tilsetting kan bli gjennomført fortløpande i søknadsperioden.
• Kommunen følger offentleglova § 25ved eventuell offentleggjering av søkjarlista.

 Ta gjerne kontakt med oss.

Velkommen som søkjar!

Søk her

Fylke: Buskerud
Jobbtype: Fast
Heiltid/Deltid: Heiltid
Arbeidstid: Dag
Søknadsfrist: 16.02.2025
Arbeidsstad: Gjestetunet – korttidsavdeling

Kontaktpersonar:

Borghild Ulshagen
tlf: +47 32085201
mob: +47 99287898

Heimeside:

www.aal.kommune.no

Adresse:

Torget 1 3570 Ål

Ål kommune – helse -og omsorgssektoren

Ål kommune er ein utviklingsorientert arbeidsgjevar for 650 engasjerte tilsette, som er opptekne av å gje tenester av høg kvalitet til alle innbyggjarar, store og små. I UNICEFS rapport om kvaliteten i oppvekst- og levevilkår, er Ål kommune blant dei 10 beste kommunane i Noreg.

Dei fleste av helse-og omsorgstenestene er lokalisert ved Ål helsesenter, som er samlokalisert med Hallingdal sjukestugu og prehospitale tenester. Me har moderne lokalar og god tilgang på teknisk utstyr. Ål helsesenter er samlingspunkt for små samankomstar og større arrangement. Me har eigen kafeteria som tilbyr kaffi, lunsj og middag. Kårstugu og Nigardstugu har ei rekkje aktivitetar som både bebuarar og heimebuande nyttar seg av. Dagsenter for eldre og dagsenter for kognitiv svikt er også lokalisert ved Ål helsesenter.

Det blir lagt til rette for å vidareutvikle sin kunnskap gjennom god opplæring, internkurs og vidareutdanning. Helse- og omsorgssektoren driv spanande prosjekter og utviklingsarbeid, som sett dagsaktuelle tema i fokus.
Me er også vertskommune for Hallinghelse, som er eit unikt fag- og utviklingsfellesskap for kommunane i Hallingdal.

Ål er ein spennande møteplass mellom aust og vest, med eit rikt mangfald av arbeidsplassar og fritidstilbod. Dette er draumeplassen for deg som likar friluftsliv, kultur og eit kortreist og køfritt kvardagsliv. Her gjev naturopplevingar sommar og vinter, kulturopplevingar og eit stort tal arrangement grunnlaget for det gode liv! Bu- og levekostnadene rimelegare enn i dei store byane, noko som gjer at du kan bruke pengane på å realisere draumane dine; anten det er å vere meir ute, reise eller skape noko sjølv. I Ål ønskjer vi å legge til rette for at nytilflytta kjenner seg sett, møtt og inkludert. Les meir på våre heimeside.

Ål er ein av dei beste kulturkommunane i Noreg. Kulturhuset tilbyr spanande og variert program for heile Hallingdal.
Ål kommune vart kåra til både Årets kulturkommune og Årets nynorskkommune i 2021!